A travers ces deux personnages on comprend combien l'université de médecine Montpellier fut fameuse dès le moyen-âge... & importante pour l'esprit & le mélange des cultures. On notera une chanson en langue flamande, la flandre alors faisait partie de l'Esapgne & du St Empire Romain Germanique, qui a toujours regardé Montpellier avec beaucoup d'attention...!
RABELAES à Mount-Peliè
Par François Dezeuze
dit « l'Escoutaïre »
- 1920 -
0-0-0-0-0-0-0
Par François Dezeuze
dit « l'Escoutaïre »
- 1920 -
0-0-0-0-0-0-0
PERSOUNAGES
FRANCÉS RABELAES, mouine e medici.
GUILHEM DE ROUNDELET, proufessou, apouticari.
CARLOS DE DINANSTAL, estudiant.
MAUCROC, auberjista.
BROCONOT, gardo, dau cementèri
CAYLA, pintre. -
JAN DE PÈL-DE-BurÈT, estudiant.
BOURGUIÊ, GRATACAP, SAPORTA, PICAMOLAS, PEBDRIÈ, JAN
QUENTI, FICHOU, etc, etc., estudiants.
Lou SERENO.
BÉLOU (Isabèlla de Dinanstal).
LA BLANDA, fenna de Broconot.
Estudiants, gens dan pople, guinèia. cats e chin,...
0-0-0-0-0-0-0-0-0-0
ATE 3
lou cami de Sauret
ATE 3
lou cami de Sauret
Un cami un pauc enfounsat entre las terras. Una rasa, un bertàs. Carlos fai lous cent passes per espéra quaucun. — Derriès lou bertàs, envisible per Carlos, Maucroc - es à la guèita, l'èr miehant.
SCENA 1
CARLOS, en se passejant
Quau te deschifrarà, gros orne, que toun rire
Saiipriè traire de joia en mitan d'un martire?...
Jouta toun cacalàs, quante es toun pensament?
Das febles e das forts rises cinicament ;
Siès naut couma lou ciel, groussiè couma un estable,
E '— belèu, — dins lou foun siès sustout caritable !
Siès medicì sabent per lou corps que soufrìs ;
Siès un counsouladou per l'ama que s'agrìs.
Quand vos pas de mercìs perqu'aco t'embarrassa,
D'un boufounàs galòi emprountes la grimassa.
Vese una ama de sant jout tas boufounariès.
Tamben, fau de bon cor, toutas tas fantasiès.
Dins aquel prat, m'as dich d'espéra la manida
Que vendra ramassà sa bugada espandida...
Esperen e faguen ço que m'a dich...
(Bélou arriba).
Bounjour!BÉLOU, suspresa
Bounjour !CARLOS
Madoumaisella!...
BÉLOU, à part
A l'èr un pauc cabourd !
CARLOS
Moun mèstre Rabelœs per me bailà 'na idèia
D'un tablèu qu'Omeros pintra dins l'Oudisseia
M'a dich : « Vai à Sauret; voiras Nausicaà
Plegant lou linge blanc qu'aviè més à secà
Sus lous calhaus lavats perfumats de mentastre. »
BÉLOU
Sièi pas Nausicaà.
CARLOS
Ses bella couma un astre !
BÉLOU, risèira
Encara s'hou fasès esprès...
CARLOS
Ara qu'ai vist,
Vole garda, toujours clugats, mous iols ravits.
(Barra lous iols).
Vous regarde pas pus, mes, vous cantarai, bella ! (A part el).
Au lioc d'un lid d'amour, la counsinna es crùdèlaCau cantà lou refrin das routiès avinats ,
(Canta).
Ik drink den nieuwen most
'K En vraeg met wat ky kost.
'K En vraeg met wat ky kost.
BÉLOU Sans se revirà e à mièja-vouès
'T Is my genoeg aïs ik hem drinken mag,
En als ik heb myn liefste op myn gelag,
'K En vraeg niet wat het doet...
En als ik heb myn liefste op myn gelag,
'K En vraeg niet wat het doet...
CARLOS, susprés, courrïs après Bélou
Madoumaisella !
BÉLOU
Ebé?CARLOS, entrefoulit
La, cansôu que cantàs
Quau dounc vous l'aprenguèt?
BÉLOU
Ma nounou...
CARLOS
D'ounte es qu'èra?
BÉLOU
M'an dich qu'èra nascuda à Brussèlas la fiera.
CARLOS
En plenas Flandras, dounc ?
BÉLOU
Aube!
CARLOS
Bélou, jamai
Despioi que lou divenc alé dau més de mai
Ensajant de creà de flouretas nouvellas
Vous faguèt espelï bella entre las pus bellas,
Digus vous a parlat autant seriousament
Que iéu, 1'encounougut, dins aqueste moument!
BÉLOU
Moussu !...CARLOS
Moun paure cor descabestrat bassèlla!
Lou pescaire perdut que vei lusi l'estèlla
Revieu pas mai que iéu! Sabès quau sès, Bélou ?
BÉLOU
La filha de Maucroc !CARLOS
Maucroc ? regardàs-lou !
Lourd, michant, courdurat de croches, una bruta !
El brama, e vous cantàs milhou qu'una flabuta !
El a de crin de loup, vous, de pèu sourelhous.
El, de car de singlar, vous, de lach e de flous!
Barras lous iols, cercàs dins vosta souvenença,
Cercàs e troubarés la bona remembrença...
Dou ciel dau Lengadoc es trop blu... d'autrasfés
Avès vist un ciel fousque amai d'èr pus espés?...
BÉLOU
En m'ausiguent cantà mas roumanças flamandas
Rabelaes m'aviè fach de parièiras demandas,
CARLOS
Avès pas counougut un vièl plé de grandous ?
BÉLOU
Un vièl ?CARLOS
Qu'aviè lou blu dau ciel dins sous vistous,
Sus soun front manific la nèu de las mountagnas?
Digne de coumandà la Flandra e las Espagnas.
BÉLOU
Aquel vièl, qu'au seriè ?
CARLOS
Vous souvenès d'un bos
Qu'enmantella de verd de grands sèrres sans rocs?
E d'un riéu perfumat que sa voués risoulièira
Canta emé lous aucèls dins un val de lumièira?
BÉLOU
De qu'es aquel païs?CARLOS
Linde couma un cristal,
Se dise davans vous lou noum de Dinanstal
Vous remembra pas rés ?
(Maucroc, derriès sa rasa, sourtis un pougnard).
BÉLOU
Dinanstal? ma nourrissa
N'en parlava...
CARLOS
Escoutas ma voués evoucatrissa !
Un lac d'azur emé de vols de cinnes blancs...
Vou'n souvenès pas pus?... d'enormes rousiès-bans
Embaumant d'un castèl quatre tourres carradas?...
Vous remembra pas rés?... De sourcetas menadas
Dins de canaus de bòi jusqu'au pèd d'una crous?...
Vous n' remembras pas pus ?... De grands prats plés de flous,
D'agnèlets bauchs..., la voués d'una maire ravida
Que dis e que redis: « O ma Frida poulida!... »
BÉLOU
Fridà ?...
Vostas questiouns m'atissoun me fan mau! (una pausa).
Vau ramassà moun linge e retorne à l'oustau.
CARLOS
Fridà de Dinanstal !(Mouvainent de rabia de Maucroc).
Dins lou val de lumièra
T'espèra, i'a quinze ans, ta demora princièira!
Lous perpins das ramparts, lous pibous das jardìs
Tresanoun gaiament, d'amour entrefoulits.
Tout languìs d'aculì sa blounda soubèirana.
Dins lous tilhuls, la nioch, lou roussignòu s'escana,
Chaca bertàs se pimpa end'dé verd nouvèlet.
BÉLOU, riguent
La princessa s'en vai ramassà soun paquet,
— E vous—anàs dourmì!... Vosta paura cerbella
A de besoun de pax! (s'en vai).
.
Aucun commentaire:
Enregistrer un commentaire