mercredi 1 juillet 2009

Francis POUZOL : 2 visions de ce grand de Provence

Francis POUZOL (Villeneuve les Avignon 13 mai 1891- Somme-Py 28 septembre 1918) Instituteur, mort au combat durant la « grande boucherie » 14-18, est le maillon manquant de la seconde génération des félibres, les après Mistral...
Son propos poétique, & sa prose sont deux exemples de prémonitions personnelles sur deux destinées, sa vie & la « lengo nostro ».
En pleine force de l'âge, il a la sensibilité, la sensation de la noirceur de la vie, de la tolérance entre les choses & surtout de l'ardeur à mettre en branle pour arriver à ses fins.
F Pouzol, trop souvent, & à tort oublié, était le maître à penser, l'exemple d'Emile Bonnel.
Souvent il le citait ou il l'évoquait au delà de la simple origine commune, sa valeur intellectuelle transcendait Emile...


Donc voilà ses quelques mots :


Lou Cros

Es uno toumbo simple, coume n'i'a foço,
Uno crous, très noum marca dins lou bos
Em'un ferre caud : Vaqui tout lou cros ;
N'en fau pièi pas tant au lum que s'amosso...

Dins la terro gardarello di cors,
S'es fisa li noum dins uno boutiho,
Pèr que, se pèr cas cerco la famiho,
Trove aqui la toumbo emé lou record.

N'es rèn mai qu'un cros founs de pas dous pan,
Ras de la trencado punt li tres toumbèron.
Ounte avien soufèrt, proche ié cavèron
Lou lié mounte sèmpre se pausaran...

Lou gàrri mouquet vèn faire si freto,
E même lou jour rodo en cerco d'os ;
Que i'enchauto à-n-eu que fugue d'eros !
S'a pèr mastega, lou rèsto es sourneto.

E subre lou cros a poussa à bèu flo
De garousso verdo à flour rouginello ;
D'aquéu fumié riche es mai drudo e bello,
E lou cros nourris verme, gàrri, clot.

Recueil de textes F. Pouzol 1921


0-0-0-0-0-0-0-0-0-0





à F. Mistral Nebout

8 d'avoust 1917 .

Bono idèio que la tiéuno : Prouvençau
- à l'escolo,
- à la Tribuno,
- à la Cadiero,

d'autant que laisse lesi de persegui l'estùdi de la lengo dins si manifestacioun vidanto : Tiatre, Fèsto poupulàri, e meme perqué pas Vido Ecounoumico (en partent dòu Mercat pèr mounta jusqu'i manifestacioun li mai sutilo d'aquelo sciènci) ; esto idèio à cava.

De moun coustat, pense que tout n'es pas di sus l'Escolo; o pulèu tout es esta di, e gaire es esta fa, e voudriéu faire quicon pèr councilia touti li bòni voulounta, e li faire oubra pèr la toco : Lou Prouvençau à l'Escolo. Touti mejan soun bon, coume disiéu à Savinian, que baion resulto. Uno fes l'obro coumplido se jujara lou meiour biais. Es van de lou déclara d'avanço e de faire recula l'enavans e de tira sus uno voulounta agissènto, coume an fa pèr Savinian. S'èron esta tant segur qu'acò, sis oupousant, que sa metodo èro marrido e aïssablo, avien que de leissa faire e aurien bèn vist s'avien éli resoun o tort. Es acò la baso de la Toulerànci ; mai pèr acò fau d'abord èstre desabusa di mot e di fourmulo, e pas crèire au poudé d'aquéli mot. Enfin, fau prene li gènt coume soun, mai se mesfisa de l'ahicioun, qu'es que pèr l'Amour qu'arribaren à èstre mai liga, coutrio e fort e pouderous.

..... Sian en trin peréu de sounja à faire pèr après-guerro un Quoutidian : Lou grand pantai dou Mèstre; mai coume eu sian arrèsta pèr la questioun di dialèite, e sara proun embouiouso à desembouia, à provo que lou Mèstre ié renouncié, d'après ço que m'as di.


.

Aucun commentaire: