Alan Broc : Sant Benezet & Avignoun - St Bénézet & Avignon

.

Souto la nèu
10/01/10

Une note bien de saison, le Festival d'Avignon arrive & combien ignorent en le foulant le pourquoi du Pont St Bénézet !!!

Alan Broc , nous éclaire en Auvergnat sur ce pâtre devenu saint & peut être dans la langue qu'il parlait alors ! :


Sant Benezet èro un pastre del Vivarés. (Vivarés vers 1165 — Avignoun, 1184). Sa legendo counto qu’à l’atge de tretge ons, anè en Avinhou e coumencè d’i bastï un pount soubre lou Rose, qu’èro plô malaizit de traversa à-n-aquel endrèit.

Fouguè d’en primier mau recebut per l’avèsque, mas Benezet oubtenguè puèi lou proudèl del perbosc de la cieutat e se metè à l’obro amé quauques coumpanhous, que coungreièrou ammé guel una counfrairesso laïco, coumo s’en creabo forso à l’epoco, aplegado à l’entreté e à la coustrucciou di pounts per facilita li desplaçomens di pelegris e di vouiajadours.


À sa mort, en 1184, lou pount d’Avinhou èro pas inquèro achabat, mas devio l’èsse tres annados d'après. Aqueles elements de biougrafìo legendàrio sou dinc una Vïdo redigido al sègle XIII.
Lou culte d’aquel sant patrou d’Avinhou es en tout cas ben atestat dien lis annados 1230-1250, per de verbaus de miracles atribuïts à soun intercessiou. Sei rèstos èrou venerados dinc una chapèlo plô frequentado per li pelegris, situado soubre la treseno arco del pount.


En 1699, aquessos relìquios fouguèrou desplaçado à la glèisio-catedralo d’Avinhou d’ounde passèrou à la glèisio Sant-Daidier al sègle XIX.

Sant Benezet se festìgio lou 14 d'abril.


.