« Llengües i cultures amenaçades: perspectives de futur »
Lou XXIIIen coungrès de l’A.I.D.L.C.M. (Assouciacioun Internaciounalo de Defènso di Lengo e Culturo Menaçado) de debanè à Barcilouno, li 2, 3 e 4 de juliet de 2010 emé l’ajudo di sòci catalan e de l’Omnium Cultural.
L’asard a vougu que quàuqui jour avans la duberturo dóu coungrès, lou Tribunau coustituciounau de Madrid avié rebuta lou nouvèl estatut d’autounoumìo de Catalougno, en particulié li cinq poun majour toucant la lengo e l’identita catalano. Autant dire que l’atmousfèro èro à la reno… e la vitòri de l’Espagno à la Coupo dóu mounde de foutebalo fuguè gaire festejado.
Lou presidènt Paul Lefin, M. Herribert Barrera, rèire presidènt dóu Parlamen de Catalougno e sòci dóu Felibrige e lou senatour George Vilajoane i Rovira, rèire counseié de la Culturo de la Generalita de Catalougno an dubert lou coungrès.
La immersió lingüística a Catalunya, uno counferènci forço endrudissènto de M. Pere Mayans Bacells, cap dóu service d’imersioun e d’usage de la lengo dóu Despartamen de l’Educacioun de la Generalita de Catalougno, tournè afourti, en se foundant sus soun esperiènci, lou gros interès dóu bilenguisme pèr li pichot e espliquè li metodo li meiouro.
« Les langues minoritaires dans différents états européens » un coulòqui que recampè de mounde di divers estat representa :
- Peireto Berengier, secretàri generau de l’AIDLCM (Franço)
- Pau Lefin, president de l’AIDLCM ( Wallounìo)
- Sergio Gilardino, proufessour de lenguisto,
- Eva Zwiter pèr lis Eslouvène d’Austrìo.
Lou coulòqui se perseguiguè pèr uno taulo roundo emé li representant de diferènti regioun d’Espagno: Catalougno e Vau d’Aran, Aragoun, Asturìo, Galicio, Païs basque.
Lou dimenche, uno autro taulo roundo sus « La globalisation: une menace pour les langues minoritaires? », recampè lou presidènt de l’assouciacioun « Une seule Terre », un proufessour de filousoufìo de l’Universita de Girouno, lou Cap dóu Despartamen de la diversita linguistico-LINGUAPAX dóu Centre UNESCO de Catalougno e un representant de l’Istitut d’Estùdi Catalan. Un prougramo riche e coumplèt que moustrè de quant se pòu faire de travai quand lou mounde es vertadieramen afouga e tambèn lou valat que desseparo la situacioun en Franço dis àutri païs.
Es previst de publica lis ate dóu coungrès. Vous avisaren.
Lou XXIVen Coungrès se debanara à Liège, li 22, 23 e 24 de juliet de 2011.
L’asard a vougu que quàuqui jour avans la duberturo dóu coungrès, lou Tribunau coustituciounau de Madrid avié rebuta lou nouvèl estatut d’autounoumìo de Catalougno, en particulié li cinq poun majour toucant la lengo e l’identita catalano. Autant dire que l’atmousfèro èro à la reno… e la vitòri de l’Espagno à la Coupo dóu mounde de foutebalo fuguè gaire festejado.
Lou presidènt Paul Lefin, M. Herribert Barrera, rèire presidènt dóu Parlamen de Catalougno e sòci dóu Felibrige e lou senatour George Vilajoane i Rovira, rèire counseié de la Culturo de la Generalita de Catalougno an dubert lou coungrès.
La immersió lingüística a Catalunya, uno counferènci forço endrudissènto de M. Pere Mayans Bacells, cap dóu service d’imersioun e d’usage de la lengo dóu Despartamen de l’Educacioun de la Generalita de Catalougno, tournè afourti, en se foundant sus soun esperiènci, lou gros interès dóu bilenguisme pèr li pichot e espliquè li metodo li meiouro.
« Les langues minoritaires dans différents états européens » un coulòqui que recampè de mounde di divers estat representa :
- Peireto Berengier, secretàri generau de l’AIDLCM (Franço)
- Pau Lefin, president de l’AIDLCM ( Wallounìo)
- Sergio Gilardino, proufessour de lenguisto,
- Eva Zwiter pèr lis Eslouvène d’Austrìo.
Lou coulòqui se perseguiguè pèr uno taulo roundo emé li representant de diferènti regioun d’Espagno: Catalougno e Vau d’Aran, Aragoun, Asturìo, Galicio, Païs basque.
Lou dimenche, uno autro taulo roundo sus « La globalisation: une menace pour les langues minoritaires? », recampè lou presidènt de l’assouciacioun « Une seule Terre », un proufessour de filousoufìo de l’Universita de Girouno, lou Cap dóu Despartamen de la diversita linguistico-LINGUAPAX dóu Centre UNESCO de Catalougno e un representant de l’Istitut d’Estùdi Catalan. Un prougramo riche e coumplèt que moustrè de quant se pòu faire de travai quand lou mounde es vertadieramen afouga e tambèn lou valat que desseparo la situacioun en Franço dis àutri païs.
Es previst de publica lis ate dóu coungrès. Vous avisaren.
Lou XXIVen Coungrès se debanara à Liège, li 22, 23 e 24 de juliet de 2011.
Peireto Berengier
Aucun commentaire:
Enregistrer un commentaire