Un ome avio un papagai. Avio vóugüt li ensenha de parla, mas, vai t’en sabér ounde lis avio apresos ! lou papagai dizio pas que de groussonhos.
Un jiour l’ome trapo soun sadoul e embarro lou papagai dinc una soulo chambro per l’augi pas mai. Lou papagai bramo mai fort e l’insoulento.
Lou clavo dien l’armàri.... inquèro pieje.
Al cap d’una senmono, trapa coulero e l’enclavo dien lou coungelatour.
En una soulo minuto, lou papagai se calo :
L’ome doubris la porto, e lou papagai:
- Vous pregui de me desencusa, bèl senhe, se mi proupaus excessieus aun pougüt vous derrenga en quaucuno manièro, e vous assiguri que desenant de taus desboundomens se tournarau pas faire.
L’ome manco n’en toumba de quiòu, e lou papagai countùnio après una pichouno alenado :
- A prepaus, sounque per sabér, la jalino, qu’avio fat ?"
0+0+0+0+0+0+0
Duoi bloundos vouiajou dïnc un trin. Dien lou meme coumpartiment i o un ome prou vièlh, un barbut.
Uno murmuro à l’auto :
« Vèi lou ! Crezi qu’acò’i Jaurès »
- Pioto ! Acò fai gaire-be cent ons qu’es mort.
Un pauc daprès dïntro dien lou coumpartiment un aute ome que
saiudo gaujousomen lou barbut :
« Adieu, Jan, coumo cò vai, moun vièlh ? Acò fai gaire-be cent ons que t’èi pas vïst ! »
La primièro bloundo :
- Ah ! Quau es la pioto ?
...
Aucun commentaire:
Enregistrer un commentaire