J Castagno : VOUDRIÈ TANT ÈSTRE UNO BESTIOLO

VOUDRIÈ TANT ÈSTRE UNO BESTIOLO 

Roussignoulet, dins toun bartas, 

souto lou clar de luno cantes, 

sans t’apercebre que de tas 

roulados clarindos m’encantes. 

Cantes coump esclairo la lus, 

coumo lou riéusset cascatejo, 

coump lou fiò trais sous belus, 

coumo l’aureto farfantejo... 

Siès urous, gai roussignoulet, 

ta nisado es au bos cavido; 

sans soucit vai toun flajoulet, 

siès un gasta d’aquesto vido. 

La Guerro? foutèso d’uman! 

Couneisses pas, tus, de frountièiro... 

cantes uei, cantaras deman 

dins lous orts de la terro entièiro... 

Dau tèms, qu’en se desounourant, 

lous omes, d’uno orro besougno, 

entre eles s’escoutèlaran!... 

E sièi un ome?... n’ai vergougno!