.
Se li museon soun noumbrous à Paris, n’i’a un que l’ame miés que tóuti : es lou museon de Cluny emé si couleicioun naciounalo de l’Age-mejan e si famóusi tapissarié de la « Damo de l’unicorno ». Enca miés, es un di rare que ié fau pas planta davans dos ouro de tèms pèr ié pousqué rintra… Aquest an, chabènço de mai, anounciavon uno espousicioun « Gaston-Fébus – Prince du soleil ».
Gastoun Febus (1331 – 1091) èro comte de Fouich, vicomte de Biarn, un prince pirenen que fuguè toujour à despart dis autre dóu tèms de la guerro de cènt an, fin pouliti e parteja qu’èro de longo entre Franço e Anglo-terro. Forço independènt, tenié un role estrategi dins la poulitico e li guerro d’aquelo pountanado. L’espousicioun lou bouto à ravi dins soun countèste istouri e pouliti.
Guerrié que guerrié, èro mai que mai un mecenas di mai alargant. Fasié tout pèr sa glòri e lou renoum de sa cour di mai poumpouso.
Aquesto espousicioun mostro dounc ço que fasié lou pivelant d’aquelo persounalita mesclado e legendàri e esplico tout ço qu’aduguè à l’Istòri. Presènto la vido e la famiho de Gastoun Febus emé de pergamin espetaclous emé si riban e si sagèu que n’en restan en badant. Dirai simplamen aquelo letro dóu Prince Negre à G. Febus vo aquelo de G. Febus à Jean III d’Armagnac, signado de sa man que Febus fuguè un di proumié de signa de soun noum pulèu que de metre un sagèu.
Ié vesèn peréu d’eisino de la « taulo de Gastoun Febus » em’uno eiguiero que fai lingueto e mai que mai lou famous « Libre de la casso ».
Gastoun Febus, prince letru e biblioufile, èro tambèn cassaire e nous a leissa un « Libre de la casso » qu’avié escri pèr soun fiéu, un cap d’obro coume tóuti lis oubrage e manuscrit d’aquéu tèms emé sis enluminuro requisto. L’espousicioun nous permet de remira lis oubrage mai ancian que l’ispirèron e que venguèsson de Sicilo o d’Europo dóu Nord.
Aqueste libre, touto uno salo i’es dedicado e, coume poudien pas moustra cado pajo, n’an fa uno video que passo sènso relàmbi e debano tóuti lis ilustracioun emé li citacioun que se i’entrason. Un vertadié moumen de bonur.
Uno espousicioun belèu un pau courto mai pleno d’ensignamen e d’emoucioun.
Gastoun Febus - Prince dóu soulèu
Se li museon soun noumbrous à Paris, n’i’a un que l’ame miés que tóuti : es lou museon de Cluny emé si couleicioun naciounalo de l’Age-mejan e si famóusi tapissarié de la « Damo de l’unicorno ». Enca miés, es un di rare que ié fau pas planta davans dos ouro de tèms pèr ié pousqué rintra… Aquest an, chabènço de mai, anounciavon uno espousicioun « Gaston-Fébus – Prince du soleil ».
Gastoun Febus (1331 – 1091) èro comte de Fouich, vicomte de Biarn, un prince pirenen que fuguè toujour à despart dis autre dóu tèms de la guerro de cènt an, fin pouliti e parteja qu’èro de longo entre Franço e Anglo-terro. Forço independènt, tenié un role estrategi dins la poulitico e li guerro d’aquelo pountanado. L’espousicioun lou bouto à ravi dins soun countèste istouri e pouliti.
Guerrié que guerrié, èro mai que mai un mecenas di mai alargant. Fasié tout pèr sa glòri e lou renoum de sa cour di mai poumpouso.
Aquesto espousicioun mostro dounc ço que fasié lou pivelant d’aquelo persounalita mesclado e legendàri e esplico tout ço qu’aduguè à l’Istòri. Presènto la vido e la famiho de Gastoun Febus emé de pergamin espetaclous emé si riban e si sagèu que n’en restan en badant. Dirai simplamen aquelo letro dóu Prince Negre à G. Febus vo aquelo de G. Febus à Jean III d’Armagnac, signado de sa man que Febus fuguè un di proumié de signa de soun noum pulèu que de metre un sagèu.
Ié vesèn peréu d’eisino de la « taulo de Gastoun Febus » em’uno eiguiero que fai lingueto e mai que mai lou famous « Libre de la casso ».
Gastoun Febus, prince letru e biblioufile, èro tambèn cassaire e nous a leissa un « Libre de la casso » qu’avié escri pèr soun fiéu, un cap d’obro coume tóuti lis oubrage e manuscrit d’aquéu tèms emé sis enluminuro requisto. L’espousicioun nous permet de remira lis oubrage mai ancian que l’ispirèron e que venguèsson de Sicilo o d’Europo dóu Nord.
Aqueste libre, touto uno salo i’es dedicado e, coume poudien pas moustra cado pajo, n’an fa uno video que passo sènso relàmbi e debano tóuti lis ilustracioun emé li citacioun que se i’entrason. Un vertadié moumen de bonur.
Uno espousicioun belèu un pau courto mai pleno d’ensignamen e d’emoucioun.
Peireto Berengier
Aquesto espousicioun (28 de nouvèmbre de 2011 – 5 de mars de 2012) sara pièi seguido d’uno segoundo partido coumplementàri, au castèu de Pau, dóu 17 de mars au 17 de mai de 2012
.
.
Aucun commentaire:
Enregistrer un commentaire