.
Lou castèu de ma maire
Despièi d’annado, li Marsihés se descounsoulavon de vèire lou castèu de la Busino, lou castèu de Marcèu Pagnol, toumba en douliho. Despièi quatre an, avien retrouba l’espèr e fin finalo, bonodi la vilo de Marsiho, lou castèu es restaura e torno vers sa destinacioun : lou cinema.
Setanto an de tèms, aquéu castèu quàsi legèndàri pèr lis ami de Pagnol, fuguè abandouna. De mounde se i’istalèron sènso respèt e lou vandalisèron. Toumbavo en rouino quand la vilo se groupè à l’obro just à tèms pèr s’espargna la vergougno d’uno disparicioun toutalo. L’architèite, Andriéu Sterne, en se foundant sus de centenau de fotò, capitè uno restauracioun requisto ; coume se lou castèu s’èro caia dins soun bon, i’a setanto an.
Vuei, lou « castèu de ma maire », devèn la Maison des cinématographies de la Méditerranée, liga à la cinematèco de Marsiho. Ié dèu caupre, bèn entendu, lis « image » mai peréu li libre, em’uno biblioutèco especialisado de plusiour milié de doucumen.
Dins cinq salo scenarisado, li vesitaire poudran revèire d’escapouloun de filme mediterran emé, de segur, lou proumié filme de l’arribado dóu trin dins la garo de La Ciéutat, di fraire Lumière. Se ié poudra peréu ourganisa de festenau, d’avans-proumiero, etc.
Lou castèu sara dubert en tóuti, escoulàri, estudiant, cercaire, toutisto e amourous de la Prouvènço o dóu cinema.
Pamens l’assouciacioun dis Ami de Marcèu Pagnol, se dis un pau deçaupudo de la trop pichoto plaço leissado à l’autour, academician e cineasto. 10% di 4000 m2, verai qu’es pas gaire. Es-ti encaro lou refus de Marsiho de se recounèisse dins la trilougìo ? Tant se pòu, mai es dóumage, e pièi i’a tambèn la famiho que gardo si doucumen…
Dins tout, uno bello restauracioun que rènd i Prouvençau uno partido de soun patrimòni e bouto Marsiho en bello plaço dins lou mounde dóu cinema.
Setanto an de tèms, aquéu castèu quàsi legèndàri pèr lis ami de Pagnol, fuguè abandouna. De mounde se i’istalèron sènso respèt e lou vandalisèron. Toumbavo en rouino quand la vilo se groupè à l’obro just à tèms pèr s’espargna la vergougno d’uno disparicioun toutalo. L’architèite, Andriéu Sterne, en se foundant sus de centenau de fotò, capitè uno restauracioun requisto ; coume se lou castèu s’èro caia dins soun bon, i’a setanto an.
Vuei, lou « castèu de ma maire », devèn la Maison des cinématographies de la Méditerranée, liga à la cinematèco de Marsiho. Ié dèu caupre, bèn entendu, lis « image » mai peréu li libre, em’uno biblioutèco especialisado de plusiour milié de doucumen.
Dins cinq salo scenarisado, li vesitaire poudran revèire d’escapouloun de filme mediterran emé, de segur, lou proumié filme de l’arribado dóu trin dins la garo de La Ciéutat, di fraire Lumière. Se ié poudra peréu ourganisa de festenau, d’avans-proumiero, etc.
Lou castèu sara dubert en tóuti, escoulàri, estudiant, cercaire, toutisto e amourous de la Prouvènço o dóu cinema.
Pamens l’assouciacioun dis Ami de Marcèu Pagnol, se dis un pau deçaupudo de la trop pichoto plaço leissado à l’autour, academician e cineasto. 10% di 4000 m2, verai qu’es pas gaire. Es-ti encaro lou refus de Marsiho de se recounèisse dins la trilougìo ? Tant se pòu, mai es dóumage, e pièi i’a tambèn la famiho que gardo si doucumen…
Dins tout, uno bello restauracioun que rènd i Prouvençau uno partido de soun patrimòni e bouto Marsiho en bello plaço dins lou mounde dóu cinema.
Peireto Berengier
.
.
Aucun commentaire:
Enregistrer un commentaire