Qui qu'il fut, son languedocien "vigneron" est une langue riche, imagée, sans complexe, vraie... dans sa graphie d'origine... Ce parlé est confinant avec le catalan, la fontière linguistique est à quelques kilomètres !
Cette dernière la fait mieux sonner à nos oreilles & nous rend cet état d'esprit d'un monde qui fut !
Joan Miró0+0+0+0+0+0+0+0
LEGENDO de la Basso Courbièro
A quinze ou vingt tirats de pèiro dal vilage de La Paumo, de-bès lou gregau, se vei un gourg redound counio un grand pouts, d'un centenat de pams de tour, cavat al mièch d'uno jouncasso planièiro que se va perdre un pauc pus lèng a la rivo de l'estang. Lou gourg es toujour ras, l'estiu coumo l'ivèrn, e l'aigo que ven floureja lou sòtou, griso e limpouso, ount ni lou blu dal cèl ni la brumo que passo s'enmiralhoun pas, grupits sans cap de pleg e fa pensa a l'aigo maudito de la Mar Morto de la Tèrro Santo.
Lous païsans de La Paumo vous diran que, d'aquel gourg, digus n'a pas pouscut sounda l'endinsou, que jamai creaturo morto ou vivo a gausat s'i asarda, que lous pus ardimands s'en soun rambats tout just prou per veire que soun endinsou es papibo a la rivo coumo al mièch, e qu'un calhau rebilhat s'i avalits sans que l'aigo chapote ni se raflgue, coumo se l'abion rebilhat dins un fangas de pego foundudo.
De qunis afourtissoun que s'i vei branqueja de matos d'algos gigantalos, que an sas racines dins la fouscou dal founse e que mountoun, rectos e sans mouviment coumo se èroun a l'affut, paribos a las arpos alandados de quauquo fado malfaitouso presto a achipa lou folh que ensajario de sounda lou mistèri dal gourg ; d'autris disoun que, de lèng-en-lèng se vei creba a ras d'aigo de grosses boutiolos mountados dal founse en viroulejant, coumo lous gourgoulhs de quauque moustre qu'agounisario abal-dedins.
Es lou gourg de l'Elh-de-la-Pounso, e, i a pas encaro pla de temps, nostris vièlhs i sarion pas passais proche sans se sinha.
Per tant morto que semble, l'aigo dal gourg s'escoulo per un regachol de quauquis pams dins lou rèc de Sant-Vicens, un paure rèc bramo-la-fam, que ven d'amount, de capo'l cèrs, dumpèi lous serrats de Rocofort, e dount lou leit, toujour sec jusquos a-n'aquel roudal, claufit de còdous cremats pel sourelh, vei d'aigo que quand fa de grossis plèijats. Mès, al countre de las autres founts, que courrissoun tant agradivos ame soun cascal baralhur, l'aigo de l'Elh-de-la-Pounso rajo blèimo, vergounhouso e mudo, sans que soun fial se veje baralha, demèst de tristos matos de jounc, coumo se trigoussario quauquo coulobro verinouso.....
Dins lou même rèc de Sant-Vicens, a cent passes pus naut, bès cèrs, regoulejoun lou roudet e l'escampadou de la paissièiro d'un mouli d'aigo, e lou tico-taco gaujous dal roudet e lou saut cascalejaire de l'escampadou fan sembla encaro mai blèimo e mai saumissourdo l'aigo faiso dal triste gourg.
Al siècle XIII enc lou rèc de Sant-Vicens dcspartissio de cèrs a mari la senhourio c capelaniè de Sant-Jan de la Paumo e lou terme noble de Glabanèl.
Lou feude de Sant-Jan de la Paumo èro estat balhat, per Carles-Manho, a l'Abadiè de Nostro-Damo-d'Ourbiu, de La Grasso; lou terme noble de Glabanèl èro, dumpei pla de temps, un apanage das senhous de Sant-Brancat, dount lou castèl èro a mièjo-lègo d'aqui, capo '1 mièchjour, e qu'abion tabes uno part dins lou castèl e la senhourio de Rocofort : de tal biais que las tèrros das mounges de l'Abadiè, pla aparados per un barri que cintabo la glèiso e lou castelas de La Paumo, espandidos dal terme de Rocofort a l'estang, èroun enclavados de très constats dins lou terme das d'Auriac que èroun alabouro senhous de Rocofort, Sant-Brancat e Glabanèl.
Uno pichouno glèiseto, dedicado a Sant-Vicens, âme soun cementèri, se vesiô a l'aboro dal rèc, al lebech ; e un pauc pus lèng, pel trabès dal mourrèl lou paure vilajot de Glabanèl s'estourrelhabo al recèst, virat capo la mar, e escampilhabo sous quauquis oustalets, bastits âme de tèrro-gèlo, sous teulats faits de senilhs, a l'entour d'un casal gaire mai espacious ount lous senhous abion uno embarrado quand venion, per que demouraboun mai-que-mai a sous castèls de Rocofort ou de Sant-Brancat.
Qu'es estât matrassat per l'escourridô dal temps, aquel recantou de nostre sòtou tal jour de bèi, une simple crouts, qu'apèloun la crouts de Sant-Vicens, rebrembo lou roudal ount èroun la glèiso e lou cementèri, avalits dumpèi proche de très siècles ; lous paures casals dal vilajot soun gaire-be toutis de clapiès esparrabissats ; lous quauquis pams de parets que n'an demourat soun que de parets de jassos, e lou noumn mèmes de Glabanèl, que abiò agut l'ourgulh d'èsse mençounat dins lous pergamis de la viscoumtat de Narbouno, s'es perdut, avalit coumo la glèiso e coumo lous oustalets : la darnièiro generaciu das vièlhs que l'abion pas encaro debrembat s'en es anado e lou terme de Glabanèl s'apèlo bei, per tout om, lous Courtals d'Abal.
Lou mouli d'aigo, que dija a l'Age-mejan se quilhabo escrambrachat sus soun arcado e que dal roundinoment de soun roudet fasiò la basso-countro al tin-tin gaudjous de la campaneto de la glèiso de Sant-Vicens, es demourat, sus soulides bastardèls de sa paissièiro, malgrat que soun ticotaco siogue mut dumpèi que la vinho, soubeirano jalouso, a forobandit lou blad de nostre campèstre. Mès alabouro, abant la fl dal siècle XIII enc, — causo espantablo e que digus nou vouidriò creire s'èro pas testimouniado per uno tradiciu que s'es mantengudo e perpetuado d'uno generaciu a l'autro al cours das siècles, — alabouro l'Elh de la Pounso existabo pas !... Lous dous fialses d'aigo dal roudet e de l'escampadou s'escourrission souls dins lou lèit dal rèc de Sant-Vicens 'e souls galaupaboun per s'ana pèrdre dins l'aigo de l'estang, sans se barreja, coumo bèi, ame l'aigo vergounhouso de l'Elh de la Pounso, per que alabouro i abiò pas d'Elh de la Pounso al roudal ount vesèm bèi la tristo gourgo dourmi de soun somn assoucadas; lou darniè camp de la capelaniè de Sant-Jan de la Paumo se juntabo me la jouncasso de la plajo e tout, camp e jouncasso, èro lis e planiè, sans cap d'escarbasso ni de traucariè, sans cap de gloupado d'aigo.
Qun boulegadis espectaclons, qun tremonloment de tèrro, qun miracle faguèt dounques cava lou solou c sourgi de la founsalho de l'abisme aquel traucat d'aigo limpouso coumo la pego foundudo, ount jamai ni lou blu dal cèl ni la brumo que passo s'enmiralhoun pas ?... Es uno légende que nostris vièlhs countaboun d'autris cops a la velhado, quand lou ròdou de tamilho s'estourrelhabo dabant la flamado de gabèls sus andèrs e la countaboun pas sans se sinha. Es la légende de Pouns d'Auriac, lou doumaisèl maudit de Glabanèl.
Narbouno - Narbonne
1932
1932
Aucun commentaire:
Enregistrer un commentaire