Jan-Francés Champollion
Aquel ome que capitè de trouba la clau di ierouglife es un ome d’O. Avié neissu à Figeac en 1790, dins uno famiho de libraire... A nòuv an parlavo latin, à trege an parlavo ebriéu, à quatorge an parlavo arabe pièi partiguè estudia li lengo óurientalo à Paris. Pas estounant qu’ague trouba lou mot de Santo Claro de la misteriouso Pèiro de Rosette. Mai escriguè tambèn uno gramatico e un diciounàri egician.
Sa vilo i’avié counsacra un pichot museon dins soun oustau nadalen mai vuei, vènon de faire acò à la grando, coume se l’ameritavo. Lou nouvèu museon, alarga e apoulidi, counsacro 1000m2 à la vido de l’enfant dóu païs mai tambèn à tout ço que toco lis escrituro dóu mounde. Se devino unique en soun gènre. Museon mai tambèn liò de rescontre e de travai pèr li scientifi.
En mai de l’istòri di ierouglife, ié trouban tout sus li proumiéris escrituro cuneïformo, chineso, maias, etc. Fin qu’i lengage numeri de vuei! Mai de 600 eisino e doucumen que vous espèron.
P. B.
Aucun commentaire:
Enregistrer un commentaire