dimanche 24 juin 2012

Peireto Berengier : Blog de Mende

.



Wai
iting
1888

Joaquin Sorolla y Bastida




Blog de Mende



Marìo-Terèso Nemrod-Bonnal, avèn deja vist aqueste noum dins nosto revisto. En legissènt « Blog de Mende », s’avisan lèu que dono Nemrod-Bonnal a tout d’un bon escrivan que segur nous regalara mai, dins gaire de tèms, d’obro proun interessanto.

Dono Nemrod-Bonnal, escriéu dins sa lengo de Gevaudan e utiliso la grafìo mistralenco asatado à-n-aquéu parla. Sa lengo la counèis bèn e a un biais de proumiero pèr escriéure e counta. Regretaren soulamen quàuquis « ipèr-courreicioun » que i’an fa mescla à soun parla centrau d’entre Mende e Maruejou, de mot e d’espressioun tipico dóu nord dóu despartamen. Segur que, lou cop que vèn, se fisara d’elo souleto pèr garda pur aquéu parla autenti, lou de si grand.

« Blog de Mende » es un recuei de crounico pareigudo proumié dins lou journau loucau. Ié trouban de souveni d’enfanço, de raconte de la vido-vidanto, ié trouban tambèn Andriéu Chamson e Farfantello, tout acò dins un estile proun agradiéu e emé la voulounta d’èstre de soun tèms e dins l’atualita.

Dono Nemrod-Bonnal a vougu recoubra la lengo de si rèire, pèr la pousqué faire viéure e la trasmetre. Neissudo dins lis àutis terro, adus quaucarèn de nòu à l’ecrit de Louzèro e manco pas de nous faire ama lou parla d’eilamount.


Peireto Berengier



« Blog de Mende », de Marìo-Tereso Nemrod-Bonnal, 56 p., au fourmat 21 x 14,8 cm, is edicioun Aigo-vivo. Coumanda em’un chèque de 5 éurò à : Ive Gourgaud, 56 av. du 8 Mai, 30520 Saint Martin de Valgalgues.

1 commentaire:

Anonyme a dit…

I must thank you for the efforts you have put in writing this blog.
I really hope to check out the same high-grade blog posts by
you later on as well. In fact, your creative writing abilities has inspired me to
get my own, personal website now ;)
Also visit my web site ... Dubai Abogados