La Limassado
Quand dins l’èr restountis lou tambour di limasso,
Que leis escaragòu banajon de sei trau,
Es alor que fa bouen de li faire la casso
E n’adurre un panié pèr regala l’oustau.
E zóu! que l’oulo bouie e si couinon en masso!
Dóu tèms que s’alestis l’aiòli à faire gau,
Puèi, à taulo, cadun vèn jougne sa plaço:
Pèr tira dóu cruvèu s’armo d’un esplingau.
E vague de saussa, manja la limassado
Qu’au cabanoun si fai entre bouen cambarado
Quouro lou vin petejo e largo sei cansoun.
Au flascou s’amourant miés qu’à-n-un bèn calìci,
Un bouen plat de limasso es pèr nàutri un delìci,
E quiho emé l’aiet coume un flame peissoun.
Quand dins l’èr restountis lou tambour di limasso,
Que leis escaragòu banajon de sei trau,
Es alor que fa bouen de li faire la casso
E n’adurre un panié pèr regala l’oustau.
E zóu! que l’oulo bouie e si couinon en masso!
Dóu tèms que s’alestis l’aiòli à faire gau,
Puèi, à taulo, cadun vèn jougne sa plaço:
Pèr tira dóu cruvèu s’armo d’un esplingau.
E vague de saussa, manja la limassado
Qu’au cabanoun si fai entre bouen cambarado
Quouro lou vin petejo e largo sei cansoun.
Au flascou s’amourant miés qu’à-n-un bèn calìci,
Un bouen plat de limasso es pèr nàutri un delìci,
E quiho emé l’aiet coume un flame peissoun.
Amable Richier
.
Aucun commentaire:
Enregistrer un commentaire