Lou rousié
Me souvène d'un jardin... Erò lou de mi grand, un jardin pèr lou viéure, pichoto pacello faturado au mitan di prat carrela de gandolo, eilabas, sus l'esquino d'uno colo, entre cèu e Leberoun.
Contro li gandolo creissien à bèu bóudre, mento, melisso e creissoun.
Uno partido d'aquéu jardin erò tengudo pèr un cereisié majestous qu'espandissié soun oumbre e si branco basso jusqu'i tièro d'ensalado; après lou cereisié, quáuqui fraguié ensóuvagi, e lou pra que davalavo jusqu'au bos; un autre mounde...
En Jun, l'erbo auto ersejavo à perdo de visto e escoundié lou rousié, amoulouna souto lou pès de si flour; e quouro arribavo la segarello tirassado pèr li chivàu, desvelavo sa redoulènci...
Ho! D'aquèu perfum!... roso poudro, mescla em'aquèu de l'erbo coupado e di frago escrachado... à l'autouno de ma vido, lou sente encaro...
Lou tèms a passa e m'a aluenchado d'aqui, revela d'áutri perfum. Pièi devengudo adulto, aguère l'escasènço de croumpa, eilabas, un oustau; erò pas aquéu de mi grand, mai lou que ié fasien li magnan.
Ai croumpa lou prat e lou jardin, e ai retrouba lou rousié, eilabas, au bout de ço qu'erò lou lieumié, afala dins lis autis erbo , esperave la segarello...
La seguido de l'istòri, la vaqui: l'aguèn retrouba, me n'en poudiéu plus separa, e pèr lou biais de bouturo m'a acoumpagnado dins moun oustau nouvèu, e quouro vèn lou mès de Jun e qu'espandis si flour drudo sus lis arco dóu jardin, la caro enfouigado dins si petalo, sarre lis iue e revese un jardin...
Contro li gandolo creissien à bèu bóudre, mento, melisso e creissoun.
Uno partido d'aquéu jardin erò tengudo pèr un cereisié majestous qu'espandissié soun oumbre e si branco basso jusqu'i tièro d'ensalado; après lou cereisié, quáuqui fraguié ensóuvagi, e lou pra que davalavo jusqu'au bos; un autre mounde...
En Jun, l'erbo auto ersejavo à perdo de visto e escoundié lou rousié, amoulouna souto lou pès de si flour; e quouro arribavo la segarello tirassado pèr li chivàu, desvelavo sa redoulènci...
Ho! D'aquèu perfum!... roso poudro, mescla em'aquèu de l'erbo coupado e di frago escrachado... à l'autouno de ma vido, lou sente encaro...
Lou tèms a passa e m'a aluenchado d'aqui, revela d'áutri perfum. Pièi devengudo adulto, aguère l'escasènço de croumpa, eilabas, un oustau; erò pas aquéu de mi grand, mai lou que ié fasien li magnan.
Ai croumpa lou prat e lou jardin, e ai retrouba lou rousié, eilabas, au bout de ço qu'erò lou lieumié, afala dins lis autis erbo , esperave la segarello...
La seguido de l'istòri, la vaqui: l'aguèn retrouba, me n'en poudiéu plus separa, e pèr lou biais de bouturo m'a acoumpagnado dins moun oustau nouvèu, e quouro vèn lou mès de Jun e qu'espandis si flour drudo sus lis arco dóu jardin, la caro enfouigado dins si petalo, sarre lis iue e revese un jardin...
*+*+*+*
La gelarèio de roso
La gelarèio de roso
Fau:
-150 gramo de petalo de roso perfumado e que noun soun esta tratado; ( acò fai à pau près 30 roso) -1 litre d'aigo -750 gramo de sucre -3 gramo d'uno augo que ié dison « agar-agar » en poudro. -lou jus d'un citroun
-150 gramo de petalo de roso perfumado e que noun soun esta tratado; ( acò fai à pau près 30 roso) -1 litre d'aigo -750 gramo de sucre -3 gramo d'uno augo que ié dison « agar-agar » en poudro. -lou jus d'un citroun
Desfueia li roso sus un linge propre e blanc pèr verifica que i'ague gès de bestiouno.
Li traire dins uno casseirolo e curbi d'un litre d'aigo frejo.
Pourta à boulisoun e manteni à fresimen de 15 à 20 minuto de tèms pièi leissa refreja dins la casseirolo, douge ouro de tèms pèr faire infusa li petalo.
Filtra e esquicha li petalo pèr reculi lou massimoun de jus; lou pesa e ié apoundre lou mume pès de sucre e l'augo en poudro ( agar-agar).
Faire bouli quàuqui minuto à grossis oundo.
Esbouli e esgouta li boucau sènso lis eissuga, ié vessa la gelarèio caudo, ié bouta e sarra li cabucèu, pièi li desvira tèsto en bas pèr li leissa descauda;( li poudès perèu faire bouli quàuqui minuto pèr lis esterleja) counserva au frès.
Aquelo gelarèio, l'ai alestido em' uno varieta de roso sóuvage qu'erò adeja dins lou jardin de mi grand.
Li traire dins uno casseirolo e curbi d'un litre d'aigo frejo.
Pourta à boulisoun e manteni à fresimen de 15 à 20 minuto de tèms pièi leissa refreja dins la casseirolo, douge ouro de tèms pèr faire infusa li petalo.
Filtra e esquicha li petalo pèr reculi lou massimoun de jus; lou pesa e ié apoundre lou mume pès de sucre e l'augo en poudro ( agar-agar).
Faire bouli quàuqui minuto à grossis oundo.
Esbouli e esgouta li boucau sènso lis eissuga, ié vessa la gelarèio caudo, ié bouta e sarra li cabucèu, pièi li desvira tèsto en bas pèr li leissa descauda;( li poudès perèu faire bouli quàuqui minuto pèr lis esterleja) counserva au frès.
Aquelo gelarèio, l'ai alestido em' uno varieta de roso sóuvage qu'erò adeja dins lou jardin de mi grand.
Michello Craponne.
Jun de 2010
.
Jun de 2010
.
Aucun commentaire:
Enregistrer un commentaire