jeudi 21 janvier 2010

Teoudor Aubanè : lLA VENUS D’AVIGNOUN

.


« Li Fiho d’Avignoun », aquel recuei de Teoudor Aubanèl se retroubè à l’index tôlèu paregut, maugrat que soun autour fouguèsso en Avinhoun l’estampaire de Sant Santetat lou Papo. Vaqui de troçs del pouemo quefaguè lou mai de bruch.


0+0+0+0+0+0+0




LA VENUS D’AVIGNOUN

A Prousper Yvaren


Sis iues d’enfant, founs e verdaus,
Si grands iues purs vous dison: Dau!
Un pau rizènto un pau mouquetos,
Tèndri, se duerbon si bouquetos;
Si dènts, pu blancos que lou la(ch),
Brihon... Chut! qu’arribo: vès-la
Tout just s’a quinge an, la chatouno

Passes plus, que me fas mouri,
O laisso-me te devouri
De poutounos !

Arrage, soun péu negrinèu
S’estroupo à trenellos, en anèus;
Un velout cremesin l’estaco;
Fouita dóu vènt, de rouge taco
Sa caro bruno e soun còu nus:
Dirias qu’es lou sang de Venus,
Aquéu ribau de la chatouno.

Passes plus, que me fas mouri,
O laisso-me te devouri
De poutounos !

Oh! quau me levara la set
De la chato?... A ges de courset:
Sa raubo, fièro e sèns ple, molo
Soun jouine sen que noun tremolo
Quand marcho, mai s’arredounis
Tant ferme, que subran fernis
Voste cor davans la chatouno.

Passes plus, que me fas mouri,
O laisso-me te devouri
De poutounos !

Camino, e la creirias voulant:
Souto la gràci e lou balans
Dóu fres coutihoun, se devino
Anco ardido e cambo divino,
Tout soun cos ufanous enfin;
Mais se vèi que si petouns fins
E si cavihos de chatouno.

Passes plus, que me fas mouri,
O laisso-me te devouri
De poutounos !

A moun còu, si bèus bras tant dous,
Li crouzèsse un jour tóuti dous!
Sa man porto pa’nca la bago:
Pòu veni, lou nòvi que pago
Emé castèu, diamants, tresor,
L’embandis! Vòu liga soun sort
Em’ un fiéu d’amour, la chatouno.

Passes plus, que me fas mouri,
O laisso-me te devouri
De poutounos !

…..

La nuie fau d’estràngi pantais:
M’escapes autant-lèu que t’ai;
Te courre après, jamai t’ajougne.
Vese de liuen bada toun jougne
Coume uno flour que s’espandis:
Sèmpre, quand toque au paradis,
Un diable te raubo, o chatouno.

Passes plus, que me fas mouri,
O laisso-me te devouri
De poutounos !

D’abord qu’en terro noun se pòu
Estre amourous sènso avé pòu
Anen-nous-en dins lis estellos;
Auras lou trelus pèr dentello,
Auras li nivos pèr ridèu,
E jougarai coume un cadèu
A ti pichots pèds, ma chatouno !

Passes plus, que me fas mouri,
O laisso-me te devouri
De poutounos !


Une idée d'Alan Broc
Félibre auvergnat




.

Aucun commentaire: