Aimez-vous Dashiell Hammet ?
Ieu, pas tant qu’acò.
Belcop d’Americôs te dizou qu’o inventat lou rouman poulicier mouderne e ieu pensi qu’acò’i pulèu David Goodis. (Aven ja parlat de guel soubre Marsyas2) Me dirés qu’acò depend de ço que sounes lou rouman poulicier mouderne.
Trobi las intrigos d’Hammett souvent trop coumplicados, e que si persounatges parlou trop. Amm’ acò cò’i bessai la vertat qu’es un di primiers qu’es sourtit del rouman à enigmo. Se bouto pas en rivalitat ammé lou legèire per sabér quau es l’assassi. Lou legèire o pas cap de mejan d’hou sabér.
Dounc, cò’i vertat, li roumans pouliciers de Dashiell Hammett pourriou èsse un primier pas vel rouman negre.
Alèro d’ounde ve lou plazi d’agacha « the maltese falcon » de John Huston ?
De sigur lou joc d’Humphrey Bogart es excepciounau dien aquel film ; mas per tant bèl que saio un actour, se lou film es pietre, l’actour sufis pas à n’en faire una grondo obro.
La Warner Brothers qu’avio croumpat li drèits d’adaptaciou del rouman avio ja fat duos autros versious :
- uno en 1931, que se sounabo « Una fenno del mounde ». Se centrabo soubre l’erouïno feminino que meno un double joc de seducciou e de coubeitat, talomen que chambiabo l’equilibre de la narraciou e que l’enquisto n’en devenio segoundàrio.
uno en 1936 ammé Bette Davis en fenno fatalo. Lou film se sounabo « Satan o rescountrat uno damo ». Lou detective Sam Spade èro jougat per Warren Williams, actour seduzent, que faguè justomen un play boy mai qu’un detective.
Amm’ acò lou realisatour avio decidat de beila un toun coumique à l’ensemble, e lou falcou maltés, l’estatueto, èro estat remplaçat per una corno de brumo dien laqualo lis eròs bufabou en counflant lei gautos de manièro ridiculo. Ero també malaizit de counsidera aquelo corno coumo chicom de precious que justifiquèsso qu’on tuèsso per guelo.
Maugrat lou prestìgi di dous interprètos principaus lou film aguè pas de succès.
John Huston èro scenaristo à l’epoco e cò’s un pauc per astre qu’Howard Hughes li fizè la realisaciou, essencialomen per que lou film, que se coumpausabo de dialogues, avio un budget tout pichou.
John Huston pensè cossé à Bogart per interpreta lou rolle de Sam Spade, mas la prouducciou voulio George Raft, plô mai counegut.
Per quonho razou Raft refuzè lou rolle ? cachet trop pichou ? scenàri que l’interessabo pas ? film sèns ambiciou ?
Tant i o, aquel refus aurò lançat la carrièro d’Humphrey Bogart.
En refuzant aquel rolle en 1941, George Raft faguè siguromen una grondo errour.
So qu’espanto es que la tournè faire en 1942 en refuzant lou rolle de Rick dien « Casablanca » quand pamen John Huston èro devengut plô celèbre !
De sigur Bogart soulet aurio pas fat lou succès del film se lis àutris actours èrou pas excelents també. Lou rolle de Peter Lorre es lou milhour de sa vido à moun vejaire, e sèi estat countent de legi recentomen qu’acò’i ço que dizio guel també.
Peter Lorre, austïan refugiat is Estats-Units per anti-nazisme, èro un actour recounegut.
(Pel mounde que s’interesso ei lengos aujoulencos, chau sabér que sa lengo mairalo èro l’eslouvaque. Soun lioc de naissenço es agaro en Eslouvàquio.)
Mas aquelo mountonho, aquel petassau d’ome que jogo lou meissont, Sydney Greestsreet, avio pas jamai fat de cinema à l’atge de 61 ons.
Acò èro un actour de teatre, qu’aguè la ganso tout lou temp d’aquel primier film. On hou dirio pas à lou vèire talomen à soun aize, en aparéncio, dien soun rolle.
E pamen damandabo timidomen après cado sceno : « Acò vai ? Sèi estat boun, enfi vole dire, acciptable ? »
Acò’ s amm’ aquelo umilitat que faguè lou rolle de sa vido guel també.
Belcop d’Americôs te dizou qu’o inventat lou rouman poulicier mouderne e ieu pensi qu’acò’i pulèu David Goodis. (Aven ja parlat de guel soubre Marsyas2) Me dirés qu’acò depend de ço que sounes lou rouman poulicier mouderne.
Trobi las intrigos d’Hammett souvent trop coumplicados, e que si persounatges parlou trop. Amm’ acò cò’i bessai la vertat qu’es un di primiers qu’es sourtit del rouman à enigmo. Se bouto pas en rivalitat ammé lou legèire per sabér quau es l’assassi. Lou legèire o pas cap de mejan d’hou sabér.
Dounc, cò’i vertat, li roumans pouliciers de Dashiell Hammett pourriou èsse un primier pas vel rouman negre.
Alèro d’ounde ve lou plazi d’agacha « the maltese falcon » de John Huston ?
De sigur lou joc d’Humphrey Bogart es excepciounau dien aquel film ; mas per tant bèl que saio un actour, se lou film es pietre, l’actour sufis pas à n’en faire una grondo obro.
La Warner Brothers qu’avio croumpat li drèits d’adaptaciou del rouman avio ja fat duos autros versious :
- uno en 1931, que se sounabo « Una fenno del mounde ». Se centrabo soubre l’erouïno feminino que meno un double joc de seducciou e de coubeitat, talomen que chambiabo l’equilibre de la narraciou e que l’enquisto n’en devenio segoundàrio.
uno en 1936 ammé Bette Davis en fenno fatalo. Lou film se sounabo « Satan o rescountrat uno damo ». Lou detective Sam Spade èro jougat per Warren Williams, actour seduzent, que faguè justomen un play boy mai qu’un detective.
Amm’ acò lou realisatour avio decidat de beila un toun coumique à l’ensemble, e lou falcou maltés, l’estatueto, èro estat remplaçat per una corno de brumo dien laqualo lis eròs bufabou en counflant lei gautos de manièro ridiculo. Ero també malaizit de counsidera aquelo corno coumo chicom de precious que justifiquèsso qu’on tuèsso per guelo.
Maugrat lou prestìgi di dous interprètos principaus lou film aguè pas de succès.
John Huston èro scenaristo à l’epoco e cò’s un pauc per astre qu’Howard Hughes li fizè la realisaciou, essencialomen per que lou film, que se coumpausabo de dialogues, avio un budget tout pichou.
John Huston pensè cossé à Bogart per interpreta lou rolle de Sam Spade, mas la prouducciou voulio George Raft, plô mai counegut.
Per quonho razou Raft refuzè lou rolle ? cachet trop pichou ? scenàri que l’interessabo pas ? film sèns ambiciou ?
Tant i o, aquel refus aurò lançat la carrièro d’Humphrey Bogart.
En refuzant aquel rolle en 1941, George Raft faguè siguromen una grondo errour.
So qu’espanto es que la tournè faire en 1942 en refuzant lou rolle de Rick dien « Casablanca » quand pamen John Huston èro devengut plô celèbre !
De sigur Bogart soulet aurio pas fat lou succès del film se lis àutris actours èrou pas excelents també. Lou rolle de Peter Lorre es lou milhour de sa vido à moun vejaire, e sèi estat countent de legi recentomen qu’acò’i ço que dizio guel també.
Peter Lorre, austïan refugiat is Estats-Units per anti-nazisme, èro un actour recounegut.
(Pel mounde que s’interesso ei lengos aujoulencos, chau sabér que sa lengo mairalo èro l’eslouvaque. Soun lioc de naissenço es agaro en Eslouvàquio.)
Mas aquelo mountonho, aquel petassau d’ome que jogo lou meissont, Sydney Greestsreet, avio pas jamai fat de cinema à l’atge de 61 ons.
Acò èro un actour de teatre, qu’aguè la ganso tout lou temp d’aquel primier film. On hou dirio pas à lou vèire talomen à soun aize, en aparéncio, dien soun rolle.
E pamen damandabo timidomen après cado sceno : « Acò vai ? Sèi estat boun, enfi vole dire, acciptable ? »
Acò’ s amm’ aquelo umilitat que faguè lou rolle de sa vido guel també.
Ж
D’esplicacious americanos del succès del film
Belcop d’especialistos d’Hollywood ou que se crezou taus dizou que lou succès del film ve de la tensiou de Sam Spade entre l’amour e lou devér. Sario amourous d’aquelo fenno manejairo mas coumo guelo o tuat ou fat tua soun coulego detective, pot pas deveni soun coumplìci e la liéuro à la poulìcio.
Acò’s una visto de persouno qu’o legit lou scenàri à coustat del film.
Mas per quaucun qu’es un fintaire lambda, qu’o agachat lou film sèns ris n’en sabeire à l’avanço, Spade parèis pas forço amourous. Aguèri pulèu l’impressiou que jougabo al chat e à la mirgo amm’ aquelo fenno, jougado per Mary Astor, per que, un cop qu’o coumprés qu’èro messourguièro coumo digu, o coumprés també que chalio li soutira la vertat dapassou.
Per ieu l’encant del film es endacon-mai, amai se podi pas l’esplica coumpletomen.
Pensi qu’acò ve en grondo partido de la beltat de la foutougrafìo. Amai se tout se passo en vilo e se la finèstro del burèu di detective douno soubre un païsatge industriau sèns amo, lou biais de filma e de jouga ammé la lutz, tant impourtanto en negre e bloc, beilo uno impressiou permanento de pouesìo.
Qu’acò saio uno persouno que chamino soubre un trepadour, ou l’erouïno que prend l’ascensour e qu’agacho per li traucs de la grasilho de la porto, tout es jinte.
Bessai qu’à coustat d’aquelo coustataciou counsciento, i o un encant sub-counscient.
Lis « especialistos » d’Hollywood dizou que toùti li persounatge aun de counsisténcio, d’espessour, brèu uno persounalitat ben dessinhado, li quites segounds rolles.
Bessai que i o també cò, de persounatge intenses, e dirio, chicom de mai, de caros, de caros vertadièros.
Acò’i pas coumo dien li films americôs de uèi (e pas soulomen americôs çaquedelai) toujour la mèmo istòrio entre un drolle fat per èsse manequin e una bloundo de magazine.
Qu’enchau del scenàri. Hou torni dire, li scenàris de Dashiell Hammet m’interessou pas.
La qualitat del scenàri es que li persounatges sou pas estats destrïats segoun un esquèmo estetique à la modo. Aun lours caros, lei caros de lour epoco, lei caros de lours gènes, ammé la diverstitat encantarèlo de l’espécio umano.
Amai se mostro la coubeitat la mai cruzèlo e de persounatges ben ambigus puèi que lou quite erò pousitieu es be criticable – coejo ammé la fenno de soun milhour amic, es batoustier, messourguier, manejaire – « lou falcou maltés » es un imne à la beltat de l’ome.
.
Aucun commentaire:
Enregistrer un commentaire