.
Armana, un óutis de travai
Armana, un óutis de travai
Tóuti aquéli que fan de cous de prouvençau o que simplamen s’interesson à nosto literaturo, sabon de quant es utile de counsulta l’Armana Prouvençau. Es aqui que trouban quàsi toujour li tèste que nous mancon.
Uno drudesso pas de dire emé 150 d’armana à espeluca ! E vaqui que Bernadeto Zunino, de La Valeto, dins lou Var, aguè la paciènci e faguè lou travai pèr nautre ! A dounc releva lis autour, li titre, lis escais-noum (se poussible), a precisa s’èro de pouësìo vo de proso, sènso óublida l’annado de parucioun e la pajo...
Lou fuieta d’aquéli repertòri es esmouvènt que ié trouban lis grand dispareigu de la debuto e lis ami mai proche, dispareigu o noun. Dóu pouëmenet, au conte de l’estùdi au comte-rendu, l’Armana es uno mino. Dins li darrié voulume d’aquéu travai, aparèisson d’àutri titre que « Armana Prouvençau ». Avèn alor dins lou meme esperit « Armana di felibre » o « Armana », avans de retrouba « Armana Prouvençau ».
Entre tèms un autre « Armana Prouvençau » (lou jaune) e d’àutris armana an espeli que lis auren de recata dins un darnié voulume (lou voulume VII). Fin finalo, aquéli cartabèu nous debanon un pau l’istòri dóu Felibrige e l’istòri de nosto literaturo e de sa situacioun dins lou pople.
Vaqui dounc un óutis precious que nous pourgisson lis edicioun Aigo-Vivo e que lou fau agué dins sa biblioutèco emé lis oubrage de referènci.
Uno drudesso pas de dire emé 150 d’armana à espeluca ! E vaqui que Bernadeto Zunino, de La Valeto, dins lou Var, aguè la paciènci e faguè lou travai pèr nautre ! A dounc releva lis autour, li titre, lis escais-noum (se poussible), a precisa s’èro de pouësìo vo de proso, sènso óublida l’annado de parucioun e la pajo...
Lou fuieta d’aquéli repertòri es esmouvènt que ié trouban lis grand dispareigu de la debuto e lis ami mai proche, dispareigu o noun. Dóu pouëmenet, au conte de l’estùdi au comte-rendu, l’Armana es uno mino. Dins li darrié voulume d’aquéu travai, aparèisson d’àutri titre que « Armana Prouvençau ». Avèn alor dins lou meme esperit « Armana di felibre » o « Armana », avans de retrouba « Armana Prouvençau ».
Entre tèms un autre « Armana Prouvençau » (lou jaune) e d’àutris armana an espeli que lis auren de recata dins un darnié voulume (lou voulume VII). Fin finalo, aquéli cartabèu nous debanon un pau l’istòri dóu Felibrige e l’istòri de nosto literaturo e de sa situacioun dins lou pople.
Vaqui dounc un óutis precious que nous pourgisson lis edicioun Aigo-Vivo e que lou fau agué dins sa biblioutèco emé lis oubrage de referènci.
Peireto Berengier
Cade voulume es un caièr au fourmat 21x29,7 (25 annado, un cinquantenau de pajo) costo 10 éurò franc de port. Li sièis voulume ensèn (150 an, dins li 300 pajo) coston 50 éuro franc de port.
Coumando : M. Gourgaud, 56 Av. du 8 Mai, 30520 Saint-Martin-de-Valgalgues.
Lien du site en cliquant ici!!!
Aucun commentaire:
Enregistrer un commentaire