Alan Costantini : Mounsegne Jacint Serroni (Article Français-Provençal)

.

La Caso-Diéu
La Chaise-dieu


Mounsegne Jacint Serroni

L’on celèbro aquest an lou tres cènt cinquantenc anniversàri dóu tratat di Pirenèu. Aquel apountamen marcavo la fin de la guerro dicho de Trento an, counflit de dimensioun euroupenco qu’óupausè Francés, Espagnòu, Austrian, prince alemand, Oulandés, Suedés… Pèr sagela aquel acord l’on maridè Louvis XIV emé l’Infanto Marìo-Tereso. La signaturo de la pas fuguè precedido pèr de counferènci, d’avoust à nouvèmbre 1659, au Païs Basco, sus l’isclo di Feisan, au mitan dóu flume Bidassoa.

Lou capo de la delegacioun espagnolo èro Don Luis de Haro. Aquelo de Franço èro menado pèr lou cardinau Jùli Mazarin. Au moumen dóu maridage restavo en balans un proublèmo de counfigno councernant lou Counflènt, lou Capcir e la Cerdagno (article 42 e 43 dóu tratat). Pèr lou regla li dos partido avien nouma de coumessàri. Dou coustat de Franço i’avié Pèire de Marca, archevesque de Toulouso e Jacint Serroni evesque d’Aurenjo. Es aquéu d’aqui que fin finalo signè, lou 12 de nouvèmbre 1660, lou darnié doucumen que meteguè fin à la tihouso questioun frountaliero entre li dous reiaume. Mounsegne Jacint Serroni neisseguè à Roumo lou 30 d’avoust 1617. Venguè en Franço dins la tirassiero de Michèu Mazarin (1). Ambedous èron de l’ordre de Sant Doumergue. Serroni fuguè evesque d’Aurenjo de 1646 à 1661, pièi evesque de Mendo (1661-1676), enfin archevesque d’Àlbi (1676-1687). Ero tambèn abat coumandatàri de la Caso-Diéu. L’ufanouso caisso d’ourgueno que se pòu vèire dins aquesto abadié dóu Velai es uno óuferto dóu prelat. Soun retra pèr Jacint Rigaud es vesible au museon Toulouso-Lautrec d’Àlbi. Soun calice e sa pateno soun counserva dins lou tresor de la catedralo Santo Cecilo. Mouriguè à Paris lou 7 de janvié 1687.

Alan Costantini

(1) Michèu, fraire de Jùli, fuguè nouma archevesque de z-Ais en 1645 e cardinau en 1647. Li Sestian ié soun devènt dóu galant quartié basti au miejour dóu cous Mirabèu.

0+0+0+0+0+0+0




- Portrait -

Mgr Hyacinthe Serroni

On celèbre cette année le 350e anniversaire du traité des Pyrénées. Cet accord marquait la fin de la guerre dite de Trente ans, conflit de dimension européenne qui opposa Français, Espagnols, Autrichiens, princes allemands, Hollandais, Suédois…Pour sceller ce dont on était convenu on maria Louis XIV avec l’Infante Marie-Thérèse. La signature de la paix fut précédée par des conférences, d’août à novembre 1659, au Pays Basque, sur l’île des Faisans, au milieu du fleuve Bidassoa..

Le chef de la délégation espagnole était Don Luis de Haro. Celle de France était conduite par le cardinal Jules Mazarin. Au moment du mariage restait en suspens une question de limites concernant le Conflent, le Capcir et la Cerdagne (articles 42 et 43 du traité). Pour le régler les deux parties avaient nommé des commissaires. Du côté de la France il y avait Pierre de Marca, archevêque de Toulouse et Hyacinthe Serroni, evêque d’Orange. C’est ce dernier qui finalement signa le 12 novembre 1660 le dernier document qui mit un terme à l’épineuse question frontalière entre les deux royaumes. Mgr Hyacinthe Serroni naquit à Rome le 30 août 1617. Il vint en France dans le sillage de Michel Mazarin (1). L’un et l’autre appartenaient à l’Ordre de Saint Dominique. Serroni fut evêque d’Orange de 1646 à 1661, puis evêque de Mende (1661-1676), enfin archevêque d’Albi (1676-1687). Il était également abbé commendataire de la Chaise-Dieu. Le splendide buffet d’orgue qu’on peut voir dans cette abbaye vellave est un don du prélat. Son portrait par Hyacinthe Rigaud est visible au musée Toulouse-Lautrec à Albi. Le trésor de la cathédrale Sainte Cécile conserve son calice et sa patène. Il mourut à Paris le 7 janvier 1687.


(1) Michel, frère de Jules, fut nommé archevêque d’Aix-en-Provence en 1645 et cardinal en 1647. Les Aixois lui doivent l’élégant quartier bâti au midi du Cours Mirabeau

.