Pétrarca & la Provence : 705 ans après...

En 1904 fut célébré le 600 ème anniversaire de Pétrarque, tant en Vaucluse que dans sa ville natale Arezzo, les félibres y prirent part. Pour le 705ème ils pourraient en faire de même... En souvenir de Laure de ... Noves ...

Li festo de Pertarco En Arèzzo e en Avignoun

Li dòu siesen centenàri de la neissènço de Petrarco soun estado celebrado en Avignoun li 16 e 17 juliet, e en Arrezzo ( Itàli) lou 20 de juliet de 1904. Lou majourau Guilbert, delega pèr Prouvenço, a, dins de brinde pouti, fa resclati sa lengo maire. Après un discours enaurant la memòri de Petrarco a remet au sendi de la vilo un brout de lausiè culi à Vau-cluso, envertouia d’un riban i tres coulour d’Itàli.
A di pièi aquest sounet coumpausa pèr la felibresso Genina Houchart d’Entremont :

Arèzzo


Arèzzo! Vilo bello, au mitan dei plus bello,
Grande entre lei plus grando en remendre, salut!
La naturo, d’amour e de rai t’enmantello;
Gui, Vasari, Guittone enfioncon toun estello!

Pertrarco, subre-tout, relargo toun eslu!...
Aquéu qu’a tant treva nouesto fouent clarinello,
Sarié countent se vuei, dins ’qué jour de belu,
Nous entedié te dire :” Avèn lou memo Elu!”

La glori de toun fièu s’a jamai vist d’egalo,
Nous fai gau de pensa qu’es uno Prouvençalo
Qu’enamourè soun couert au lus de sa bèuta;

Es Lauro qu’empurè la radiouso flamo
Dòu pouèto, e raubè l’engèni de soun amo,
Pèr l’emparadisa dins l’Inmourtalita!