Jousèp Coste : L’ Oulivié

un peu de poèsie sétoise pour bien commencer la semaine, & puis l'Olivier est symbole de paix en ces temps de Pâques juives & latines, la semaine prochaine orthodoxe...

L’ Oulivié

Oulivié mièjournau que lou sourel poutouna,
S’alandes dins la pas ta ramilha d’argènt,
A toun oumbra, en estiéu, s’alisa e s’acantouna
La reglanaire au pèu negre ou blound,mès lusént.

Dins lou cèl blu l’aubeta se festouna
Qu’à toun brancage vèrd vènoun d’un gaubi gènt,
Cantà lous aucèlous, e mai d’un cop s’estouna
La cigala embaurada, à toun grel trelusènt.

Jusqu’au travalhadou, quand, de cagna treboula
Pèr mantène l’esper qu’en tout cor reviscoula,
De fresquièira e d’amour i’apares la susou;

Am’un flasquet au fresc qu’à ta branca pendoula,
Fas tène loint, la set... car en touta sesou
Jout ta fiolha amarganta abrigues la doussou.

Jousèp Coste
Felibre de l’Auboi
Armanac Cetori 1894 – paja 36
( 1893 - Ceta )