La zambougno
dóu rèi Dàvi
Sicut passer solitarius in tecto,
Sicut nyticorax in domicilio
S’ennuion,
S’ennuion
Sus lou ro de Sion.
Lou passeroun sus la téulisso
Piéuto e repiéuto tristamen;
E tristamen dins la sebisso,
La bouscarlo respond: Amen.
Chut, chut, cessen la charradisso.
S’ennuion,
S’ennuion
Sus lou ro de Sion.
Tout-aro prendrai ma zambougno,
Farai tibla li sèt courdoun.
E jougarai sus la foufoungno,
Bin-bin, bin-ban bin-ban, bin-boun,
Per li tira d’aquelo mougno,
Bin-bin, bin-ban, bin-ban, bin-boun
S’ennuion,
S’ennuion
Sus lou ro de Sion.
La machoto, mai sournarudo,
S’es encaunaudo e reflechis
Dins soun trau.—Que la vido es rudo,
Pleno de mau!—dis e redis
Lou chot-chot de la banarudo.
S’ennuion,
S’ennuion
Sus lou ro de Sion.
Aucun commentaire:
Enregistrer un commentaire