lundi 28 décembre 2015

J D'Arbaud : VIRGILIUS.







VIRGILIUS


À l'aire clar de la patrìo, 
En penecant sus lou gres dur, 
Sènte l'óudour de ta ramiho 
Voula sus lis òrdi madur. 

Miejour amato lis eissame, 
L'embat boulego li canié: 
Regardo, emé soun grand voulame, 
Veni Sant Jan lou Meissounié. 

Fai-te fort, moun aubre, recasso 
Pèr abari toun bos nouvèu, 
Lou blasin dóu nivo que passo 
Emé li raisso de soulèu. 

E, paire gaiard di jitello, 
T'espandissènt dins lou clarun, 
Buto ta sabo e renouvello 
Lou sang pur de ti sagatun. 


*+*+*+*



Aucun commentaire: