S.A. Peyre : REPREN TA RAUBO BLANCO... 1911

.


REPREN TA RAUBO BLANCO...

Repren ta raubo blanco e davalo dins l'orto.
Pèr li camin marrit mi pèd soun matrassa.
Li jour de vuei voulien noun me leissa passa;
Pèr l'acóurchi d'aièr ai retrouba la porto.

Lou jardin d'autre tèms, flouri de roso e d'ile
Es qu'un pantai ninoi d'enfant que sian esta,
Mai de-bado li jour an vougu m'arresta,
Li sounge m'an dubert, dins lou vèspre tranquile.

Repren ta raubo blanco e dins l'orto davalo,
Me veiras davans tu coume antan me clina;
Recouneiras alor — ai long-tèms camina —,
La roupo di vièi jour, sourno sus mis espalo.

1911




.