.
Mort e Memòri en Prouvènço
Mort e Memòri en Prouvènço
Lou darrier oubrage de Regis Bertrand, proufessour emerito d’istòri de l’Universita de z-Ais, nous parlo de la mort e de la memòri en Prouvènço, dóu siècle XVIII au siècle XX, tout acò estudia emé l’iue e l’esperit d’un istourian. L’autour recampo aqui d’article e de coumunicacioun qu’avié presenta dins de revisto e de coulòqui e i’apound noumbre d’estùdi nouvèu pèr coumpleta uno presentacioun gigantasso de tout ço que toco à la mort e ligo li mort i vivènt encò nostre.
Regis Bertrand estùdio dounc li biais tradiciounau, li biais liga à la religioun o à la laïceta. Vai ansin que pinto e estùdio li cementèri emé li carrat diferènt, li toumbèu e li mounumen especiau. Mai la mort se trobo tambèn dins li vilo, en deforo di cementèri, emé li lauso sus lis oustau, lis oustau-museon (Maiano, Serignan, etc.), li noum de carriero e diferènt mounumen pèr eisèmple.
L’autour coumenço em’uno presentacioun di pratico e di representacioun ounte trouban lis enteramen dis escabin de Marsiho, la mort dis enfant, li terro jalado dins lis Aup e li mort que poudien pas toujour lis enterra, li mort en mar o li trevo dins li « memòri » de Mistral.
Aprenèn tambèn l’istòri e lou biais di repas d’enterramen e coume li flour venguèron de tradicioun sus li toumbo e li multiplicanto que nous sèmblon tant naturalo que daton pas que d’un siècle aperaqui… Regis Bertrand se foundo tant sus lis estùdi de Van Gennep que sus lis estùdi istouri e lis archiéu.
Dins la segoundo partido, nous esplico li cementèri e li memouriau. Demié li cementèri estudia plus menimousamen, trouban bèn entendu lou celèbre cementèri Sant Pèire de Marsiho emé si mounumen e si toumbo ufanouso que lis mai grands escultaire ié baièron tout soun art. En particulié, li mounumen Oulive e Clos-Bey emé soun estile mouresc…
Lou cementèri d’Arle, éu, se devino un di bèn ràri de Franço que daton d’avans la Revoulucioun e soun sèmpre utilisa. Lou cementèri de Four-cauquié emé si tuei taia (tuei, qu’en prouvençau ié disèn justamen « aubre-de-vido »…) es bèn couneigu. Tambèn li cementèri di Turc dins li galèro de Marsiho o Touloun, li toumbo di proutestant e tout ço que rèsto pèr garda memòri dis grands ome e dis escrivan.
Un oubrage saberu e forço interessant que toco un tèmo un pau à despart e qu’aqui s’avisan qu’es gaire aliuencha de nosto vido-vidanto emai caminessian souvènt en virant la tèsto…
Encaro un bèl oubrage de grand interès que nous pourgisson lis edicioun La Thune, de Marsiho, beilejado pèr lou Paire Quan.
Regis Bertrand estùdio dounc li biais tradiciounau, li biais liga à la religioun o à la laïceta. Vai ansin que pinto e estùdio li cementèri emé li carrat diferènt, li toumbèu e li mounumen especiau. Mai la mort se trobo tambèn dins li vilo, en deforo di cementèri, emé li lauso sus lis oustau, lis oustau-museon (Maiano, Serignan, etc.), li noum de carriero e diferènt mounumen pèr eisèmple.
L’autour coumenço em’uno presentacioun di pratico e di representacioun ounte trouban lis enteramen dis escabin de Marsiho, la mort dis enfant, li terro jalado dins lis Aup e li mort que poudien pas toujour lis enterra, li mort en mar o li trevo dins li « memòri » de Mistral.
Aprenèn tambèn l’istòri e lou biais di repas d’enterramen e coume li flour venguèron de tradicioun sus li toumbo e li multiplicanto que nous sèmblon tant naturalo que daton pas que d’un siècle aperaqui… Regis Bertrand se foundo tant sus lis estùdi de Van Gennep que sus lis estùdi istouri e lis archiéu.
Dins la segoundo partido, nous esplico li cementèri e li memouriau. Demié li cementèri estudia plus menimousamen, trouban bèn entendu lou celèbre cementèri Sant Pèire de Marsiho emé si mounumen e si toumbo ufanouso que lis mai grands escultaire ié baièron tout soun art. En particulié, li mounumen Oulive e Clos-Bey emé soun estile mouresc…
Lou cementèri d’Arle, éu, se devino un di bèn ràri de Franço que daton d’avans la Revoulucioun e soun sèmpre utilisa. Lou cementèri de Four-cauquié emé si tuei taia (tuei, qu’en prouvençau ié disèn justamen « aubre-de-vido »…) es bèn couneigu. Tambèn li cementèri di Turc dins li galèro de Marsiho o Touloun, li toumbo di proutestant e tout ço que rèsto pèr garda memòri dis grands ome e dis escrivan.
Un oubrage saberu e forço interessant que toco un tèmo un pau à despart e qu’aqui s’avisan qu’es gaire aliuencha de nosto vido-vidanto emai caminessian souvènt en virant la tèsto…
Encaro un bèl oubrage de grand interès que nous pourgisson lis edicioun La Thune, de Marsiho, beilejado pèr lou Paire Quan.
Pierrette Berengier
« Mort et Mémoire » de Regis Bertrand, un oubrage de 420 pajo que costo 24 éurò (lou port en mai), ISBN 978-2-913847-50-7. Se pòu coumanda à : La Thune, 30 rue Thubaneau, 13001 Marseille. Tel. 04 91 91 52 48, info@la-thune.com
Aucun commentaire:
Enregistrer un commentaire