jeudi 14 avril 2011

Louis MALBOS : l'Astrado !! - Lou 14 de mai de 2011

.





Louis MALBOS es de coumta demié li pouèto prouvençau li mai marcant dóu siècle XXen. Nascu en 1911, mort en 1984, aquéu que fuguè trento-tres an Counservadou dóu Museon Granet à-z-Ais, es l’autour de dous recuei de pouèmo : Cansounié di dos man dóu Rose (is ed. Parlaren, 1984) e Pèiro plantado (is ed. de L’Astrado, 1992). Soun centenàri sara counmemoura pèr l’Assouciacioun L’Astrado prouvençalo lou 14 de mai venènt à Maiano.

Aqueste jour, espelira lou n°46 de la revisto annualo L’Astrado tout entié counsacra à Louis Malbos (dins uno proumiero partido, de tèste siéu ; dins uno segoundo partido, d’estùdi, de testimòni sus l’ome e soun obro — o, pulèu, sis obro de pouèto e de patrioto prouvençau).
A 3 ouro, au Cèntre Frederi Mistral, un « Coulòqui Louis Malbos » recampara Michèu Courty, Enmanuèl Desiles, Reinié Moucadel, Louis Scotto, Roumié Venture.


Pèr aquéli que noun poudrien veni à Maiano, l’on pòu coumanda la revisto (20€ e 3€ pèr lou port quente que siegue lou noumbre d’eisemplàri) e lou recuei Pèiro plantado (168p. 13€ franco) à L’Astrado prouvençalo (Service Commandes), 2bis route de Langlade, 30620 Bernis.

.

Aucun commentaire: