Larenzu Mondoloni : Staghjone

.




Staghjone :

Ti vogliu cantà, lu veranu,
La fiertà d'esse un paisanu,
Di sente in l'aria ringhjuvanita,
Lu muscu di la macchja fiurita.

Ripigliu :
Ti vogliu cantà , a sinfunia,
Di e staghjone in' armunia,
À lu mè versu è fantesia,
S'alza lu cantu in puesia.

Ti vogliu cantà, l'istatina,
Lu mare a l'acqua canterina,
Di vede chjinassi à l'albore,
La ghjuventu piena d'amore.

Ripigliu

Ti vogliu cantà, lu vaghjime,
La musa sveglià le mio rime,
Di fighjà le cascie in cascate,
Le belle ghjurnate accurtate.

Ripigliu

Ti vogliu cantà, l'invernata,
L'allegrezza d'una nivata,
D'ascultà ughjulà lu ventu,
La casta di u focu ardentu.

Larenzu Mondoloni





.