Charloun Rieu inauguration du buste de Fredéric Mistral - Sceaux - Septembre 1911

.

Un bon vieux temps que les moins de cent ans ne peuvent pas connaître : Le Félibrige triomphant à Paris!!!

Buste F. Mistral
Sceaux - jardin des Félibres


0+0+0+0+0+0+0


Discours de Charloun Rieu

Président d'ounour

Midamo, Messies et gai Counfraire,

Quouro partiguère de moun umble vilage dou Paradou lou bastoun d'argelas e moun paraplueio de coutoun a la man pèr veni veire vosto grande vilo, sabiéu que l'anave pèr festeja mé de bons ami, mai cresieu pas, tre davala de la garo de Lioun, d'èstre crouca pèr un foutografe e lou lendemain de matin me veire dins un journau que s'espandis i quatre cantoun dou mounde, e ni mai de saupre que pèr quauqui cansouneto dicho en lengo de moun païs m'a nessias faire Président d'ounour d'uno esbrihaudanto court d'amour à la lausenjo dou grand Mistral, i aubourant un buste.

Es veraï, que se sabian tout ço que lou destin nous réservo darrie nosto mountagno, ieu pèr lou proumié, ai a vous dire que n'en siéu meraviha autant pèr lou plasé de présida vosto testo coume pèr lou bonur que ressente que sias de gent à vous souveni de voste pais, la provo que se de félibre de la bono vous sias groupa dins vosto grande capitalo, per auboura'n buste au grand Méstre en coumpagno de tant d'autre qu'embelisson lou jardinet de Scéus vosto idèio sara qu'aurès pica just, aurés fa obro de bon miejournau e de bon patriote.

Belèu n'ia que diran qu'es trop faire d'ounour à-n-un orne de auboura'n mounumen do soun vivènt, mai mis ami, pensas que pèr Mistral, qu'à tira nosto bello lengo prouvençalo de la sourniero, qu'à pèr ansin dirs rejouveni un pople. que nostis us e nosti coustme se soun tournamai fa veire souto la capo dou souleù, éro ben juste e méritons que religiousimen, dins un rode escoundu n'ien faguessias la pago pèr vosto reconeissenço.

E aro davans de me sourti d'ou grand devé qu'avès vougu soumetre à la feblo espériençi d'un païsanot qu'es ni un literatour encaro mens un faseire de discours, leissas-me vous dire qu'uno fes de retour din mour, païs de Prouvènço rèn de mai pressant que d'ana trouva mèstre Mistral dins soun galant Maîano e ie dire touti li simpatio e lis estrambord qu'en aquesti èsto mai que soulenno avès vougu ié proudiga.

Dieu vous mantengue gaiard e criden ensen :

Vivo Mistral !

Vivo li felibre de Paris !

Charloun Rieu
Sceaux - Septembre 1911

0+0+0+0+0+0+0


Lou Viro Soulèu
Revue des Félibres de Paris

.