Mentalitat
Sabèn despièi de tèms que l’Espagno es un estat federatiéu e que tout lou mounde i’a pas li mémis idèio. Sarié que nòsti vesin catalan que luchon de longo pèr apara soun identita e sa lengo que Madrid ié voudrié vèire abandouna, vuei sabèn que i’a mai qu’acò.
La lengo
A-n-aquéu prepaus, fau remarca que li causo van pas miés emé lou Tribunau amenistratiéu de Madrid que rebutè, i’a quàuqui mes, lou nouvel Estatut de Catalougno que recounèis lou catalan coume « lengo propro » de Catalougno e asseguro sa preferènci dins l’amenistracioun publico e l’ensignamen. Catalougno es pamens autounomo… D’aiours la direicioun dóu Counsèu de Linguapax (UNESCO) afourtiguè :
- qu’es uno errour d’apichouti l’estat legau de la lengo catalano que finira pèr disparèisse davans lou castihan apara pèr tóuti li dispousicioun juridico,
- que l’Estat espagnòu que semblavo un moudèle de prouteicioun de la diversita lenguistico rintro dins lou group dis estat que mantenon uno ierarquìo di lengo e ajudon à sa disparicioun,
- que la soucieta catalano que vivié, pàsi, lou proucessus de recuperacioun de sa lengo talamen secutado dóu tèms de la ditaturo, es vuei vitimo d’uno agressioun prouvoucado d’un biais artificiau que vai multiplica li dificulta pèr uno counvivènço lenguistico alor qu’èro un eisèmple internaciounau…
Li biòu
Mai, i’a pas que la lengo que desseparo li Catalan dis Espagnòu. Li biòu se meton au mitan!
Lou Parlamen de Catalougno voutè dins lou meme tèms, à-n-uno grosso majourita, l’enebicioun di courida. Uno bello decisioun fàci la cruauta d’aquéli courso. Mai lou plus bèu es la reacioun di gènt de Madrid. Avèn pouscu vèire e ausi is enfourmacioun de la TV un foutrau de Madrid, enferouni en plen, que tratavo li Catalan de « petites merdes ». Un voucabulàri causi que marco tout d’uno lou nivèu de la discussioun. A Madrid, soun pas touca pèr aquelo decisioun e podon countunia de massacra li biòu coume i’agrado. Alor, de que se mesclon ? Perqué volon-ti empacha li Catalan de faire cala lou massacre au siéu?
Iéu, espère qu’uno causo : que la Franço seguigue Barcilouno e que nòstis areno clantiguèsson plus que di crid de joio di courso de biòu prouvençalo !... E que me parlon pas de tradicioun. La tradicioun es ço que n’en fan lou mounde e pas mai. De mouloun de tradicioun an dispareigu, long di siècle, de mouloun d’autre an espeli. Sarié l’ounour dis ome de cambia aquelo « tradicioun » barbaro e de la ramplaça pèr li courso à la coucardo !
Dins tout, ço que vole faire remarca es la diferènço founso de mentalita entre aquéli dous pople dessepara belèu pèr la lengo mai subre-tout pèr uno vesioun diferènto de la vido e dóu sang e uno voulounta diferènto de faire lou bèn o lou mau. Courajous, li deputat Catalan an vouta contro li courrida qu’uno bono partido de sa poupulacioun, dounc de sis eleitour, voulien pamens garda. Falié sauta lou pas, l’an fa. Is autre, d’agué lou meme courage, pèr li biòu, pèr li lengo e pèr tout lou rèsto…
Lou Parlamen de Catalougno voutè dins lou meme tèms, à-n-uno grosso majourita, l’enebicioun di courida. Uno bello decisioun fàci la cruauta d’aquéli courso. Mai lou plus bèu es la reacioun di gènt de Madrid. Avèn pouscu vèire e ausi is enfourmacioun de la TV un foutrau de Madrid, enferouni en plen, que tratavo li Catalan de « petites merdes ». Un voucabulàri causi que marco tout d’uno lou nivèu de la discussioun. A Madrid, soun pas touca pèr aquelo decisioun e podon countunia de massacra li biòu coume i’agrado. Alor, de que se mesclon ? Perqué volon-ti empacha li Catalan de faire cala lou massacre au siéu?
Iéu, espère qu’uno causo : que la Franço seguigue Barcilouno e que nòstis areno clantiguèsson plus que di crid de joio di courso de biòu prouvençalo !... E que me parlon pas de tradicioun. La tradicioun es ço que n’en fan lou mounde e pas mai. De mouloun de tradicioun an dispareigu, long di siècle, de mouloun d’autre an espeli. Sarié l’ounour dis ome de cambia aquelo « tradicioun » barbaro e de la ramplaça pèr li courso à la coucardo !
Dins tout, ço que vole faire remarca es la diferènço founso de mentalita entre aquéli dous pople dessepara belèu pèr la lengo mai subre-tout pèr uno vesioun diferènto de la vido e dóu sang e uno voulounta diferènto de faire lou bèn o lou mau. Courajous, li deputat Catalan an vouta contro li courrida qu’uno bono partido de sa poupulacioun, dounc de sis eleitour, voulien pamens garda. Falié sauta lou pas, l’an fa. Is autre, d’agué lou meme courage, pèr li biòu, pèr li lengo e pèr tout lou rèsto…
Peireto Berengier
.
.
Aucun commentaire:
Enregistrer un commentaire