P. Azéma : NIÇA-CAP-DE-PROUVENÇA - Jun 1927

.


La langue nissarte vue par un Montpellièrain Peire Azéma, ce dernier fut longtemps un des critique "sociaux" des aspects des langues du Midi de la France... Dans la droite lignée de De RICARD, il fut de cette frange extrème du félibrige de l'entre deux guerre qui se fourvoya dans l'occitanisme d'après 1945 ???
Individu douteux que ce Peire Azéma, auquel il faut tout de même donner la parôle pour avoir sa vision des choses & surtout ... comprendre l'état actuel de certaines choses à Montpellier !!

0+0+0

NIÇA-CAP-DE-PROUVENÇA

Aime tant vous hou dire davans qu'anés pus liont: legirés dins aqueste Gal (journal Montpelliérain) un poulit conte de Jousè Giordan, qu'es escrich en bona lenga niçarda. Ai ben dich: lou legirés, de bout en cima, sans n'en pèrdre un mot, e vous 'n regalarés. Serés mèma, belèu, un pauc estounats de legi tant aisidament lou niçard, e de troubà 'n el un goustous dialète de nosta Lenga d'Oc, e noun pas un patouès italian, couma disoun encara quauques sot-miòus.

Car n'i a quauques-uns qu’hou disoun, e fossa qu'hou repètoun. Es una de las milanta cràcas enventadas pèr de journalistas aparisenquits que n'en saboun pas mai; es un das noumbrouses esemples dau pastroulhage de noste ime naciounal pèr la mecanica centralisaira.

Contra aquela legenda, que serviguèt longtems, delai las Alpas, la causa de quauques irredentistas antifranceses, s'auboura la paraula de Cavour. Lou foundatou de l'unitat italiana recounouissiè que lou lengage niçard a pas qu'una analougia lionta emé l'italian; es à quicon proche lou de Marselha, de Touloun, de Grassa.

Ajustaren, nautres, qu’emé l'a de sas finalas femininas, baila belèu encara mai d'èr au parlà de Mount-Peliè. Sembla, antau qu'hou escriviè noste mèstre e amic l'Escoutaire, nosta lenga clapassièira se s'amusava un jour à se pimpà emé quaucas beloias italianas. Quaucas beloias, e pas mai: l'abilhage e lou cor restoun purament miejournaus. La parladura que brusis en riba de Paioun atestis la veritat istourica dau vièl noum tradiciounal: Niça-Cap-de-Prouvença.

Antau lou patrioutisme prigound de las prouvincias courregis lou patrioutisme esbroufaire des arlandiès de Paris; antau, maugrat lous pichots esprits, porta temouniage pèr la granda França.

Louvis XII dessoublidava las rancuras dau duq d'Ourleans; la Lenga d'oc, rèina tamben, venja pas las escornas fachas au patouès...

Jun 1927

.