Vaqui uno istourieto qu’èi pougut recoustituï maudespièit lei fueios desquissados. Mas ço que m’interesso en realitat, acò’i la noto istourico que la coumpleto. (Alan Broc)
LOUS BRAIOULETS DE MENDE
Bous demandat, brabe mounde, per de que, nous apelou, n’antres de Mende, lous Braioulets. Dinc lou tems, se disio que lous Targuets de Maruéjus nous abiòu aquel escais, mes lous sabents de nostro epoco òu troubat am’ aqueste uno antro rasou.
Cò-z-èro quand lous ebesques fasiòu la lei à Mende e dinc tout lou païs del Giboudan, bes l’on ounze cent setanto. Beset que i o d’acò uno crano passado.
L’ebesque d’aquel tems faguet leba al tour de la bilo uno paret que fasio uech metres de nalt e un metre e miech d’espessou. N’i abio coumo acò pendent dous milo tres cent metres!
Am’ aquelo cencho, lou mounde de Mende se cresio à l’abric de toutes lous perilhs, tagament que l’ebesque aurio dich:
Aro sen braiats am’ aquelo cencho.
Lous efonts des “braia(ts)” sou debenguts lous “braioulets”. Mes sen pas fachats d’aquel escais ! Pracò me soubene qu’esten efont estiplassere coumo cha un argalieirot que m’abio sounat “Braieto”, e que chantabo:
“Braioulet de Mende,
Per cinq sòus manquet se bendre.”
Cò-z-èro quand lous ebesques fasiòu la lei à Mende e dinc tout lou païs del Giboudan, bes l’on ounze cent setanto. Beset que i o d’acò uno crano passado.
L’ebesque d’aquel tems faguet leba al tour de la bilo uno paret que fasio uech metres de nalt e un metre e miech d’espessou. N’i abio coumo acò pendent dous milo tres cent metres!
Am’ aquelo cencho, lou mounde de Mende se cresio à l’abric de toutes lous perilhs, tagament que l’ebesque aurio dich:
Aro sen braiats am’ aquelo cencho.
Lous efonts des “braia(ts)” sou debenguts lous “braioulets”. Mes sen pas fachats d’aquel escais ! Pracò me soubene qu’esten efont estiplassere coumo cha un argalieirot que m’abio sounat “Braieto”, e que chantabo:
“Braioulet de Mende,
Per cinq sòus manquet se bendre.”
Bitor d’ANGIRON
Aro qu’i soui, bous dirai qu’à Mende i abio dinc l’ancien tems cinq pourtos: d’Aigos Passos, del Chastel, d’Angiron, del Mazel, del Soubeirô, e quatorze tourres: la tourre del Balac de las Chabros, la tourre Nobo, la tourre del Fesquet, la tourre del Cledat, la tourre des Carmes (ou de l’Espita), la tourre d’Aigos-Passos (aqui n’i abio dos), la tourre del Champ Nalt, la tourre d’Angiron, la tourre de Chabassado, la tourre d’Auriac, la tourre de Peluro, la tourre del Mazel, la tourre del Soubeirô.
(Sus un idéas d'Alan Broc, gramaci an èu)
.
.
Aucun commentaire:
Enregistrer un commentaire