Norbert Paganelli : Dà è piddà - Donner et prendre

.

Dà è piddà

« Dittemi s’è l’avvena chè vo m’imprumittiti ci faci di di più libari, è vi diciaraghju s’eddu mi cunveni. »
Marceddu Jureczek

Detimi a libarta d’essa sta goccia d’acqua
Cusi minori mi basta tantu è più
Una goccia una sola è micca dui chì facini troppu

Chì
Ùn vi pari micca abbastanza una goccia

Pinseti puri ciὸ chè vo vuleti
A libartà in una goccia vulsuta
Cunnosci anch’idda a briachina di i spazii maestosi
Cunnosci l’arcubalenu è a via stiddata
Cunnosci tuttu ciò ch’idda po cunnoscia
Di a goccia
Induva u nosciu mondu s’annega
Senza mai sapella

Eppò ùn a mi deti micca sta libartà
Da par mè a piddaraghju






0+0+0+0+0+0+0

Donner et prendre

«Dites-moi si l’avenir que vous me promettez nous fait plus libres, et je vous dirai s’il me convient»
Marceddu Jureczek

Donnez- moi la liberté d’être cette goutte d’eau
Elle est minuscule mais elle me suffit amplement
Une goutte une seul car deux seraient déjà trop

Quoi
Vous pensez qu’une seule goutte ne suffit pas

Pensez ce que vous voulez
La liberté dans une goutte choisie
Connaît elle aussi l’ivresse des espaces majestueux
Elle connaît l’arc en ciel et la voie lactée
Elle connaît tout ce qu’elle peut connaître
De la goutte
Où notre univers se noie
Sans le savoir vraiment

Et puis inutile de me la donner cette liberté
Je la prendrai moi-même



.