Une recette de cuisine en vers??? La Bourride de Baudroie à la languedocienne.

Vendredi jour du poisson : pour celles & ceux qui font carême, mais aussi & surtout pour tous les amateurs de poisson, une recette traditionnelle du Languedoc culinaire, Bon Profit!!!, comme disent les catalans.

La Bourrida de Baudroie

Aici i'amai un plat de Ceta
Famous, mès un pauc coumplicat;
Per qu'intre dins vostre sicat,
Escoutàs ben ma liçouneta :

Prenès dau peis à proupourcioun
De tres quart de liura per tèsta,
Rous coueta longa, e, sans façoun,
Pelàs, vouidàs. Lou fege rèsta.

Porres, erbas à voulountat,
Grels d'api, cebas ben achadas,
Lou peis à moussis decoupat,
Aqui vostra caissaroulada.

D'òli, metes un rach au founs,
Un jas de peis, un jas d'erba,
Pauc de sau, de pebre à bourroun,
D'als ecrachats, lou fege en serva.

D'aiga que couvrige lou tout,
Pioi fioc, que per dessus s'enaussa;
Mantenès un lou boul jusquau bout
Dau tems qu'alestissès la sauça.

Amé qu'aucas besegnas d'als
Dins lou mourtiè mountas d'aiòli;
Cau que la sauça tengue as tals,
Tamben ie planigues pas pas l' òli.

Quand lou fege es quioch, lou tiràs,
Dessarcissès dins una sièta,
Am'un pauc d' òli, lou mountas :
Es ce milhou de la recèta.

Tant lèu qu'es frech, douçament,
Dins lou mourtiè que se desola,
Mesclàs lou fege amé l'aiet
Pioi, retiràs la caissarola.

Prenès de jus ce que vous cau
Per que la sauça s'espessigue,
Dins lou mourtiè, pauc après pauc,
Mountàs, jusaqu'à que se rampligue.

Un amic vous tèn lou mourtiè :
Zou remenàs la caissarola !
Cau que chaca tal lou entiè
Porta sa sauça tron de moila !...

Après, s'avès boun apetis
Vous creirés au Paradis.

F. Combes ( 1903)
dins l'Armanac Cetori 1904