Long de la mar
Es pas la bòumiano Venus
Qu’ai vist sourti de la marino.
L'Astarté dóu vèntre tout nus,
Que s'en vai coumo uno gourrino.
Es uno fiho de vingt an.
Uno mourreto pescarello
Que sourtié de l'aigo en cantant.
E sa voues èro encantarello.
Plan-plan boufavo lou marin.
Leis erso lindo e brusissènto
Coumo dessus un tambourin
Picavon la roco lusènto.
i cresies souleto, Maia!
E juegave emé lei treno
De toun long pèu tout embouia,
Coumo antan fasien lei Sereno.
Mai luego d'èstre emé toun pèu,
Bouto, juegaves 'mé moun amo!
Vaqui perqué siéu rebabéu
E que pertout moun couar ti clamo.
Valèri Bernard
Aucun commentaire:
Enregistrer un commentaire