mardi 4 mars 2014

Louis Brès : LI CHERUBIN


LI CHERUBIN
Parla dau Coumtat.
 


Oh! digo, digo, bono maire,
Quand me poutounes lou matin,
Quand ai fa JEUSE eme moun fraire,
Perque mi dies moun Cherubin?
 
Li Cherubin digo-me, maire,
Se soun pichoun, lest coumo ieù,
E se, quand plouroun à-n-un caire,
Leu lis assolo lou bouan Dieù ?
 
Lou dimenche, li jour de festo,
Que, digo-me, li fan-ti beù?
Ye pinpoun-ti si belli testo,
Ye baioun-ti de brassadeù?
 
Eiça quand ven lou temps di péro,
Que s’amaduroun li meloun,
Li menoun-ti dessus lou sero
I jardin, lieun de si nounoun ?
 
Piei en sautent de si bressiero,
Soun-ti poutouna lou matin?
Coumo ieù fan-ti si prièro,
Mama, li pouli Cherubin?
 



Louis Brès



*+*+*+*


Aucun commentaire: