Sextius - Michel : Lou Tiatre Antique D'AURENJO

.

Lou Tiatre Antique 

D'AURENJO

Dins lou cèu ounte l'aiglo passo
Desempièi dés-e-vue-cénts an
Que noste vièi Cièri rouman
Drèisso sa grando carabasso,
 

Lou tèms que ges d'obro n'alasso,
Emé sa daio, emé si man
A bèu l'estripa, lou gigant
Espetaclous rèsto à sa plaço.
 

Vuei, a rugi coume un lioun.
0 superbo resurreicioun,
Te saludan dins toun principe!

Res n'a rèn vist, s'aquesto niue
N'a pas, meraviho dis iue !
Vist Mounet-Sully dins Edipe !

1892