dimanche 11 septembre 2011

Peireto Berengier : « Evangeli de Sant Luc en nissart »

.






« Evangeli de Sant Luc en nissart »



Avian deja li reviraduro dis evangèli en prouvençau pèr lou Paire Savié de Fourvières, vaqui que lou majourau Adóufe Viani nous pourgis la reviraduro de Sant Luc en niçard*.

Lou tèste, bèn entendu, es couneigu mai lou majourau Viani, tout en restant fidèu au tèste óuficiau, ié baio uno voio novo, dins uno lengo preciso, claro, simplo e poupulàri. Aquesto causido e lou pintouresc dóu niçard dounon vido au tèste e lou fan mai mouderne. Ço que cresian de saupre de cor, nous sèmblo nòu dins aquéu vièsti acoulouri e bèn ajusta.

Li passage de la vido de Jèsu soun poulidamen ilustra pèr de fotò en coulour de tablèu dóu pintre niçard Brea e de soun escolo. Un patrimòni artisti e religious dóu Coumtat de Niço di mai impourtant.

Adounc, un oubrage de 71 pajo que fai ounour à soun autour e à la lengo. Es edita pèr l’Escola de Bellanda e la Federacioun dis Assouciacioun dóu Coumtat de Niço encò de Serres Editeur.


Peireto Berengier


* “Niçard”, e “Niço” segound l’escrituro dóu TDF e “nissard” pèr li gens de Nisso...

Evangeli de Sant Luc, costo 8 éurò franco. Lou poudès coumanda à:

A. Viani, Le Clot, La Bolline, 06420 Valdeblore





.

Aucun commentaire: