MA GALINO
Femo, saubrés, ai ma galino
Que desempièi l'autre dijòu
Fai lis iòu;
Ai proun resta pauro e mesquino
Se Diéu lou vòu
Me veirai quàuqui sòu.
L'autre dimars l'entendeguère
Canta sus la cimo dóu pin
Grand matin
Sènso tarda i'anère guerre
Dins moun pestrin
Un bon plat de reprim.
Dins sa gamato mita pleno
Un pau de bren ié mesclarai.
Pièi saubrai
Dis iòu que vènde pèr quingeno
L'argènt qu'aurai
E que me soubrarai.
Es soun biais d'èstre matiniero
S'es panca leva lou soulèu
Que lèu-lèu
Cacalejo d'uno maniero
Qu'un gau fidèu
Te ié fai lou bèu-bèu.
À l'amour se i'es adounado
Tout en fasènt semblant d'ana
Permena,
Em' un gau vai dins de manado
D'àrdi grana
Que dilun j'ai glena.
D'un gau n'en estènt la mignoto,
L'aguènt visto em' éu à l'escart
De-fes tard,
Aro poudrés veni, peloto
Sarié 'n asard
De vous vèndre d'iòu clar.
De vèsti clusso acouvassido
Aurés de galoun negre, blanc,
Bèn galant,
Qu'après trento jour d'espelido
De si bèu cant
Brusiran li calanc.
Aucun commentaire:
Enregistrer un commentaire