Lou Gangui : LOU RABI

LOU RABI 

I 

De la cimo d'un baou, dins un riche valloun, 

Lou Rabi catacan vis trecouela soun oundo, 

Que redoulo proufoundo, 

Entre lou petelin et l'aoubre doou coudoun. 

A qui, sus un liech de peirettos 

Brilhant coumo de pampaïlhettos, 

Chasquo gouto ven lusir; 

Et la gento pastouretto 

Eme sa courto raoubetto 

A veire fach plaisir. 

II

Quand lou souleou dardayo eme seis fuechs brulants, 

Lou verdoun, l'anjouvin, van jouir de soun oumbro, 

Souto la vouto soumbro 

Tressado d'arroumias ooutour deis saouzès blancs. 

A qui sur soun haleno douço 

La petouè si bindouço, 

Pendourian à n'un vis, 

Pensan pas que la vido 

Per ello sera finido, 

Se lou cassaïre la vis. 

III 

Bello naturo, esprit de la divinita, 

Es vraï qu'à toun aspect moun couar touca murmuro 

L'hymno d'uno amo puro, 

Et souto teis bousquets li dreisso toun oouta. 

Quand moun esprit pantailho, 

Et que ma man rabailho 

La simplo flour deis champs, 

Aïmi dins lou bouscagi 

Deis oousselouns lou ramagi, 

De philomelo leis chants. 

IV 

Alors dins toun trabailh li vesi ce que sieou, 

Senti que l'homme es ren, que pipado fragilo 

Pastado eme d'argilo, 

Que mette en frun la voulounta de Dieou. 

Es alors que mi lasso 

De veire ce que s'y passo 

Dins lou mounde turbulant; 

Et lou desert soouvagi 

Mi presento l'imagi 

Doou neant. 

V 

Rabi que sies huroux, qu'envegi toun destin, 

Que voudrieou coumo tu veire passar ma vido 

Toujours calmo et limpido, 

Et coumo tu mourir oou mitan d'un jardin. 

Voudrieou de flours uno touffo 

Qu'ooumbragesse un liech de mouffo, 

Et de parfums m'assadoula; 

Perpartagear ma flammo 

Voudrieou une bello amo, 

Et doou mounde estre oublida.