Art modeste sétois - pointe courte 2014
LOU CURA DE VELAU,
Anecdoto Histouriquo.
UN capelan qu'aven vis à Velaou
Dins seis sermouns souven ero en defaou.
Per troou prouvar quoouqueis fès l'arribavo,
Qu'oou beou mitan un pignoun l'encalavo;
Alors zou de virar, puis de piquar doou pè,
Per sourtir d'embarras trouvavo plus l'estè;
Si gratavo lou front et maï virooutegeavo.
Dins leis si, dins leis oh! alors estrapepeavo.
Ero toujours tant long, lou bouen moussu Coulet.
Qu'oou mitan doou sermooun lou leissavoun soulet:
Cadun si l'accrompavo,
Per leis cadiero alors nouestre cura prechavo.
L'arribet tant souvent
Que n'en faguet sa plainto oou marguilhier Vincent.
Vincent a bouquo d'or, et li mande pas dire
Que seis sermouns troou longs prestavoun gaïre à rire,
Que piquant sus lou sieoucle et sus lou tambourin?
Segur pennecavias s'esperavias la fin.
Lou cura va sentet et prenguet ben la cavo.
— Es vraï, lou zelo m'emportavo.
Diguet oou marguilhier, et ten ti vo per di,
Quand serez enfeta, Vincent, diguo vo mi,
Aouves? Souven te nen, faras uno guignado,
Et subran beniraï touto moun assemblado.
— Tenez, li dich Vincent, piquaraï dins la man;
Alors applanta-vous, anez plus de l'avan.
— Eh ben! sian entendus, acte de ta paraoulo.
Lou diminge d'après, ero per santo Paoulo,
Lou cura, plen d'ardour, prechavo sus l'infer,
Parlavo de Satan, doou malin Lucifer.
— L'anarez tout de bouen, disiet à l'oouditoiro;
Escoutas meis counseoous, gardas dins la memoiro
La creinenço de Dieou, la crento doou pecca;
En candello cedoun, ve l'anas debaoussa,
L'y a pas gès de plaisi de se rimar l'esquino.
Taou ris eici, d'abas segur fariè la mino;
Serez privas de Dieou, de languo dins lou fuech,
Oourès gès de repaou, ni lou jour ni la nuech.
Aqui serez maoudis, » disiè d'uno voix fouarto,
Quand quatre foutissouns fan de bru sus la pouarto.
Lou marguilhier Vincent, per leis faïre teïsar,
Vague dedins seis mans coou sus coou de piquar.
Lou capelan counfus crès qu'aco lou regardo,
Dins seis veinos lou sang coumo d'esplinguos dardo.
Pourtant per ooubeir, s'applanto oou beou mitan,
Et puis eis Velaoucens creidet en leis signant:
— Et coumo déjà vous enfeti,
Ieou m'es egaou, m'avez aouvi?
Se changeas pas serez maoudi.....
Es la graci que vous souhait.
Aucun commentaire:
Enregistrer un commentaire