mardi 10 avril 2012

S.A. Peyre : AN BELLO A S'AVANQUI... - 1923




.





AN BELLO A S'AVANQUI...



An bello à s'avanqui pèr Camargo e pèr Crau,
En evoucant li rèire e li diéu e la mort,
Empacharan jamai que lou làngui te vèngue
De ta souleto vido e de ti jour d'enfanço,
E que ta soulitudo amansigue lou vènt.

Qu'uno barco de santo ague trouva lou grau,
Emé l'èime crestian fisançous à soun bord,
Qu'un gardian pensatiéu sus la gacho se tèngue
Pèr miés vèire la raço à travès li trevanço,
Mentre que lou salant amarejo lou vènt;

Qu'un pastre o qu'un bóumian dins sa jargo o si trau,
Doumine sus li code e se crèigue mai fort,
E, reguergue, belèu, di gigant se souvèngue,
Mentre qu'un jour de mai vers lou toumple s'avanço,
E que sèmpre fernis la bauco dins lou vènt; —

Que t’enchau? Siés aqui, davans lou grand mirau
Dóu tèms e de l'espàci e jamai rèn te sort
De tu, de toun rebat, pèr que miés te counvèngue
Un estrange destin de manco e de grevanço,
E ta glòri s'esperd dins lou sounge e lou vènt.






*+*+*



.

Aucun commentaire: