Antoine-Blaise Crouzillat : La Cigalo e la Fournigo - ( La Bresco)

.

La Cigalo e la Fournigo



Quand tout l'estiéu tanto cigalo
N'aguè fa que cansouneja,
L'ivèr aguè pièi la fringalo,
E plus rèn de rèn pèr manja.
Que faire ? Vounte se louja ?

S'entrauco encò de la fournigo,
En crenihant : -Piéta de iéu !
Bono vesino, moun amigo,
Dous gran de blad, au noum de Diéu !
Te'n rendrai milo aquest estiéu...

La fournigueto espargnarello,
Qu'entende gaire de douna,
Li dis : -Mai, que fasias, la bello,
Dins lou bon tèms dóu meissouna
Que sounjavian d'amoulouna ?

-Tout lou franc diéu dóu jour cantave :
T'ensouvèn plus de moun fredoun ?
-Ah ! Si, cantavias...acò's brave ;
N'en siéu ravido...Eh bèn ! Adounc
Dansas un pichot rigaudoun...

Mai noun, voueste estat me pretoco ;
De malo fam noun mourirès ;
N'ai pas lou couer pu dur que roco,
Coumo vouen dire...Mai, pachoco,
Uno autro fès...travaiarès !

Antoine-Blaise Crouzillat
( La Bresco - 1864 )


Sus uno idéo de Michelo Craponne



.