.
La cacalauso
I
L’uiau lusis,
Lou tron brusis,
E plòu, plòu plou. — La Cacalauso
Banejo dessouto la lauso
E plan-planet sort de soun trau.
Porto pèr gibo soun oustau .
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu , plòu, plòu, — Roulo ta bosso.
Bèu cacalaus. Ah! n’i a pas foço
De tant urous dins li roucas
Li vèrdi tepo e li baucas!
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu, plòu, plou. — Dins ta couquiho
Lou trelus de la nacro briho.
As palai de bello facoun,
N’en siés lou mèstre, lou massoun.
Emé ti quatre baneto,
E mé ti quatre bastoun,
Ounte vas, cacalauseto
Pèr cantoun e recantoun?
L’uiau lusis,
Lou tron brusis,
E plòu plòu, plòu, — Touto souleto
Dins ta superbo cabaneto.
Dormes e fas la digestioun,
Sènso paga countribucioun.
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu, plòu, plòu — Se de l’aurasso
Lou brulau boufet te tracasso.
Se l'ai trop fre, se fai trop caud,
Fermes ta porto e rèstes siau.
Emé ti quatre baneto,
Emé ti quatre bastoun,
Ounte vas, cacalauseto,
Pèr cantoun e recantoun?
II
L’uiau lusis,
Lou tron brusis,
E plòu plòu plou. — Pèr tèms de plueio
M’en vau brouta li tèndro fueio
Dourmi, manja manja, dourmi,
Es ma vido, moun bèl ami.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu, plòu, plou.— Vau, de ma panso,
Quand lon tron peto e l’uiau danso,
Calma lou ruscle, l’orre mau
Que secuto tout animau.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu plòu plou.— La panso pleno
D’ourtoulaio de touto meno,
Dins moun oustau m’embarrarai
E pièi tout l’ivèr dourmirai.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu, plòu plou. — Pèr sesoun bono,
Rustiquen dur. Elo nous dono
De que passa li marrit jour.
Vaqui perqué Cacalaus court.
Eme mi quatre baneto,
Emé mi quatre bastoun,
Vau, pauro Cacalauseto,
Pèr cantoun e recantoun.
La cacalauso
I
L’uiau lusis,
Lou tron brusis,
E plòu, plòu plou. — La Cacalauso
Banejo dessouto la lauso
E plan-planet sort de soun trau.
Porto pèr gibo soun oustau .
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu , plòu, plòu, — Roulo ta bosso.
Bèu cacalaus. Ah! n’i a pas foço
De tant urous dins li roucas
Li vèrdi tepo e li baucas!
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu, plòu, plou. — Dins ta couquiho
Lou trelus de la nacro briho.
As palai de bello facoun,
N’en siés lou mèstre, lou massoun.
Emé ti quatre baneto,
E mé ti quatre bastoun,
Ounte vas, cacalauseto
Pèr cantoun e recantoun?
L’uiau lusis,
Lou tron brusis,
E plòu plòu, plòu, — Touto souleto
Dins ta superbo cabaneto.
Dormes e fas la digestioun,
Sènso paga countribucioun.
Emé ti quatre baneto,
E mé ti quatre bastoun,
Ounte vas, cacalauseto.
Pèr cantoun e recantoun?
L’uiau lusis,
Lou tron brusis,
E plòu, plòu, plòu — Se de l’aurasso
Lou brulau boufet te tracasso.
Se l'ai trop fre, se fai trop caud,
Fermes ta porto e rèstes siau.
Emé ti quatre baneto,
Emé ti quatre bastoun,
Ounte vas, cacalauseto,
Pèr cantoun e recantoun?
II
L’uiau lusis,
Lou tron brusis,
E plòu plòu plou. — Pèr tèms de plueio
M’en vau brouta li tèndro fueio
Dourmi, manja manja, dourmi,
Es ma vido, moun bèl ami.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu, plòu, plou.— Vau, de ma panso,
Quand lon tron peto e l’uiau danso,
Calma lou ruscle, l’orre mau
Que secuto tout animau.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu plòu plou.— La panso pleno
D’ourtoulaio de touto meno,
Dins moun oustau m’embarrarai
E pièi tout l’ivèr dourmirai.
Emé mi quatro baneto,
Emé mi quatre bastoun,
Vau pauro Cacalauseto,
Pèr cantoun e recantoun.
L’uiau lusis,
Lou tron brusis,
E plòu, plòu plou. — Pèr sesoun bono,
Rustiquen dur. Elo nous dono
De que passa li marrit jour.
Vaqui perqué Cacalaus court.
Eme mi quatre baneto,
Emé mi quatre bastoun,
Vau, pauro Cacalauseto,
Pèr cantoun e recantoun.
Juliet 1890
.
Aucun commentaire:
Enregistrer un commentaire