mardi 22 mars 2011

Anghjulu Francescu SIMEONI : LOCU CARU INDUVE SÒ NATU

.


Etre naît "quelque part" est un gage de transmission dans le monde hétéroclite où nous vivons... Cette poésie corse nous rappelle ces souvenirs, de ces lieux, de ces images & ... de ces gens qui nous ont fait !!!



*-*-*





LOCU CARU INDUVE SÒ NATU


Anghjulu Francescu SIMEONI
de par une idée de Puesia Corsa,




Inturnattiu di cullette
In fondu à una sulanella
Vecu le to casette
U peru è la funtanella
È cù a machja à l'intornu
U casgile, l'aghja è lu fornu.


In faccia ci hè lu Tafunatu
Paglia orba fieru è degnu
Eppo più vicine è à latu.
U Munntugnaghju scala è Guegnu
È darettu piattendu l'onde
L'Arintella chi t'asconde.


Quand'e ghjungu à lu pagliaghju
Tistimone di tempu
Un dolce ricordu aghju
Quandu apru è ch'e entru
È mai ùn mi scurdaraghju
Di quelli chi sò stati nentru.


Indù a machja in culore
Amerla è u russignolu
Càntanu à lu primu albore
Per tè ognunu à so modu
È da la piana à l'altura
Propriu bella hè la natura.


Per istu locu incunnisciutu
Li mo canti ùn sò in vani
Sè vo ùn l'avete ricunnisciutu
U chjàmanu Chirchisani
Chirchisani tantu amatu
Locu caru induve sò natu.


Ùn si sò chjose le to porte
Ma pocu ci hè mancatu
Risicatu ai à sorte
D'esse un locu abbandunatu
È per francatti da a morte
Vulinteri sò vultatu.


Avà t'aghju ritruvatu
O lu mo locu nativu
Di nulla ùn mi sò scurdatu
Bench'e sia statu privu
È cun tè vulinteri farughju
A fine di lu viaghju.



.

Aucun commentaire: