E. Aberlenc : AU FELIBRE ALBERT ARNAVIELLO (Las Cevenolos - 1893)

.



Pour conclure ce mois d'Octobre, une pensée pour le grand Félibre Cévenol : Albert Arnavielle ( biographie dans ce lien). Ce dernier, contemporain de Mistral, annima ce grand courant que fut l'Escolo de la Tabò...

Le renouveau cévenol, actuel, mérite bien ses encouragements du passé, pour maintenir la langue dans le futur. La "Tâche", "l'Oeuvre" de l'humanité serait elle celle à l'image du bateleur du tarot de Marseille ?

ALBERT ARNAVIELLO

0+0+0+0+0+0+0


AU FELIBRE ALBERT ARNAVIELLO

Gramecis, ô moun car felibre,
Per voste bèu e nouvèl libre
Que m'avès mandat flame-nòu !
De voste pouèino agradaire
Ailegit lou vèrs galejaire,
Adoubât d'esprit cevenòu.

Per countà'quelo boufounado,
Vosto ploumo es pas rouvilhado,
E voste vers es pas mousit ;
Coumo ai l'ounou de vous hou dire,
Voste conte m'a prou fach rire,
E voste biai m'a fach plesi.

Vosto zambougno felibrenco
De la raço Sant-Ambrièirenco
Ven de cantà lous jours famous ;
També se sempre dins l'istorio
N'en deu restà l'auto memorio,
Moun car felibre, es graço a vous.

Se vosto muso afrescoulido
Dono uno causo tant poulido,
M'estouno pas gaire, segur ;
An lou bèu doun sas iu.in divinos
En flous de chanjà las espinos,
E la pèiro mémo en or pur.

Anas, anas, laissas-la faire !
Au bord dau Gardou cascalhaire
Laissas-la mai se permenà !
En escampant sas cansounetos
Vous acamparà de flouretos,
De lauriès per vous couronna.

Sièi pas sourciè nimai proufèto,
Me vosto glorio que s'assèto
Trelusento au sòu patrìau
Aigrejarà nostos Cevenos,
E mountagnards de toutos menos
N'en parlaran dins lus casau.

A la vesprado, urous felibre,
A l'entour dau fîòc, vostre libre
As jours d'ivèr se legirà,
E dins la familho avivado,
Mai que de trempo e d'afachado
Tout raiòu s'en regalarà.

Mè me taise : toutes las lengos
Canton déjà vostos lausengos;
Vese lou pople cevenòu
Tout plen d'un estrambord sublime
Que s'aubouro e crido unanime :
Vivo l'autou de Volo-Biòu !

E. Aberlenc
Las Cevenolos
1893


.