dimanche 26 janvier 2014

A. Glas : LOU POUETO COUSINIE










LOU POUETO COUSINIE 


Ma foi, vive Mignot et tout ce qu'il apprête! (Bouélo)
Lou pus emborrossat ès oquel qué ten lo couéto de lo podéno!
(Prouverbé potouès).
O Moussu D.....
D'enpièi dozo-huech jours qué lo bouono Ernestino (1)
Vouiageo, ièou, moun cher, souï oïci dé cousino,
Et lou curat dé Mountdordiè
D'un pouèto potouès n'o fach un cousiniè.
O ogut, sans menti, uno idèio borloquo:
Sobiè pas soulomen couoïré un ioou o lo coquo.
Véjo-oqui dounc, lou paouré pélerin
Poudiè bé s'espéra, pécaïré, o coga Et restrégné d'uno mésuro
Dé so soutano l'onverguro.
Coummenço o si senti dé moun paou de tolan
Per lou mestiè qu'o illustrat Durand.
Quand si lèvo de taoulo, ooussi, souven si facho,
N'o pas gaïré besoun dé fretta lo moustacho,
Potis pas, dé ségu, o fa lo digestiou,
Es exempt per loung-temps dé touto purgotiou. 

Tout s'en sentis, oïci, et lous rats et los ratos
Coummençou de porti, changeou sous Dioux-pénatos.
Lou cat s'es emmogiat et dé soun corostel
Lous ossés, d'un poou maï, li trooucoriou lo pel.
Quand si saro dé ièou et qué li disé: — Mino!
Coussi trovés, oïci, qué marcho lo cousino?
Désuito mi respouon din soun potouès roumiau,
Et d'un air piétodous: — Maou! Maou! Maou! Maou!
Souï toujour en souci et lou cor m'en polpito
Quand pensé qué pourrié toumba quaouquo vésito
Et o tout vésitur, dins oquélés mouments
Souhaité qué lou bouon Diou li donné maou dé dents.
Entré qu'entendé un paou bouléga lo codaoulo,
Ahï! disé, véïci quaouqu'un qué si ven mettré o taoulo.
Espinché: Sèriè pas lou....... dé Poumiès?
En quanto esprouvo lou métriès
Dé lou fa déjuna emb'uno aïguo-boulido
El qu'aïmo tant lo bouono vido,
Qu'o tant bouan naz, et qué de luen sentis
Un perdigal quand si roustis!
En oriven o l'improuvisto,
Del fumet, es ségu, qu'oouriè perdut lo pisto
Ou qué lou vent l'oouriè troumpat
Ou qu'anfi oouriè maou nifflat.
 
Iièou savé pas, moun cher, s'oquo duroro gaïré:
Çopéndant ol mestiè coummencé dé mi faïré;
Lous nïsaïrès des pigeouniès,
Los golinos, lous gals m'espiou dé trovès.
Un poul gras, copounat, qué viou din l'esclovagé,
Qué dé soun galiniè ioou fach un hermitagé,
Soulet, et luen del moundé o qui viou retirat
Din lo philosophio et din lou célibat,
Quand véï moun bounet blanc, qué faou un paou lo mino
Ou qué m'enténd din lo cousino
Mounta lou viro-brocho, osuga lou coutel:
— Ahï! si met o crida; véjo-oïci moun bourel!
S'esfraïo, si cobis, pièi saouto, voulostréjeo
Tusto dé caï, dé laï, lou diablé lou posségeo,
Si créï perdut, din soun esfraï
Quitto pas dé crida: Aï! Aï! Aï!
Un dissatés, sul tard, un conard estourdit
Qué quaouqué chi déviè l'ovédré persèguit
Ven en voulostrégen, dintro din mo cousino,
Un poulit ai, lo plumo fino!
Aï! paouré malheroux, ounté vas ti nisa
Pécaïré! siès toumbat de Coribdo en Silla,
Touto oquélo semmano ovian fach pénitenço
Très jours de juné et d'obstinenço:
Lou sort d'oquel ritou séguet lèou décidat,
Et moougré soun couan-couan l'ogièré coundomnat
O ona borbouta dins uno cossoïrolo.
Oquo pourro servi d'escolo
O sous poriès: foro counouïssé lou dongiè
Qu'es dé si présenta dovan un cousiniè.
M'ormèré d'un coutel et d'un poou dé couragé,
(De fa rogea lou sang fosiè l'oppendrissagé)
Lou metté sus un souc: oloungavo lou couol,
Foguet couac... et lou cap roudélet per lou sol...
 
O ti diré lou vraï, din tout moun tripoutagé,
Encaro n'aï pas prés dé gous per lou cornagé;
Et lou paouré ritou, et soun sang et soun couac
M'oou restat quaouqué temps, oqui, sus l’estoumac
Oquo mi fo crispa, et tout moun cor si fardo
Quand pensé ol désespouer de lo paouro conardo...
 
Adiou, souègno ti bien, siègués counten et gaï,
Ti sarés pa d'oïci tant qué ïèou soï séraï!
Souhaité qué lou bouon Diou ti donné longuo vido,
Qu'agés bouono sentat, lo bousso bien gornido,
Qué Longlado, Tavel, Sent-Georgé, Lédénoun
Fournigou toun séïé dé soun vi dé rénoun;
Qué lo loousetto, lo bécasso
Vengou si miroïa quaouquo fés din to glaço;
Qué quaouquo pesso de gibiè
Siègué toujours penjado ol croc dé toun corniè;
Qu'enfi, lou ciel ti donné en oboundanço
Dé pan, dé vi et dé pitanço!!! 


*+*+*










Aucun commentaire: