jeudi 14 mars 2013

Fèlis Gras : CATECHISME DOU BON FELIBRE - 7ème & dernier point - 1892

.





CATECHISME DOU BON FELIBRE 


7ème & dernier point



- De que fau faire pèr manenteni ardènto e cremanto la flamo pouëtico?
- Fau ajuda lou Felibrige à camina dins sa draio lumenouso.
- Coume se fai que lis ome espés tènon quàsi pertout lou poudé e mestrejon lou païsan, l’oubrié e lou pouèto?
- Pèr ço que lou pouèto se soun teisa trop de tèms.
- E de qu'an fa alor lis ome espés?
- An rejoun si forço e an bava la messorgo.
- E de qu'an fa en rejougnènt si forço?
- An fa d'armado de guerrié pèr rauba lou pan di païsan, dis oubrié e di pouèto.
- E se qu'an fa en bavant la messorgo?
- An auboura de trone, d'autar, de banco e de tribuno pèr empacha d’ausi li voues di pouèto.
- Quente es lou pople que, lou proumié, a escouta la voues di pouèto?
- Es lou pople Prouvençau.
- E alor de qu’a fa?
- Eu a coumença li lucho e a sagela de soun sang li Dre de l’Ome.
- E de qu'a mai fa?
- Eu a reviéuda lou Felibrige.
- Avèn di que lou Felibrige es l'amo di nacioun latino — Poudrias-ti defini d’un mot courrènt?
- Pèr me servi d’un mot courrènt, dirai que lou Felibrige es l’Internaciounalo di pouèto dóu Mounde latin.
- De que fara lou Felibrige?
- Acabara li lucho, e prouclamara la Pouësìo triounflanto e soubeirano sus touto causo dins l’Empèri dóu Soulèu.



*+*+*








.


Aucun commentaire: