Andriéu DUPUIS : PREGUIERO DÓU GARDIAN

.

 

 

 

 sur une idée d'André Vidal,
Bellegarde

 

 

 

 

PREGUIERO DÓU GARDIAN

De la palun,ma voues t'apello,
Segnour,que m'as fa coume siéu.
Car moun amo vanegarello
... A garda cregnènço de Diéu.

Ai pas toujour canta ta glori,
Souvènti-fes t'ai renega,
Counèisses bèn moun espelori,
Mèstre, souto ta lèi fau plega.

Souto ma cabano de sagno,
Ai pas fa que prega ti sant,
Siéu peginous,ai la malagno,
De viéuvre coume un sacripant.

Se m'es arrba pèr sansouire,
De béure un pau mai que se dèu,
Perdouno à l'amo pecadouiro,
D'un gardianas de daladèu.

Mai d'un cop, ai manca la messo,
Que deviéu courseja li tau,
Me n'en gardes ges d'amaresso,
Toustèms,aparo moun oustau.

Fai que la grnd'porto azurenco,
De toun cèu bade largamen,
Davans moun amo Camarguenco,
Quand mourirai,Segnour......

Amen.

Andriéu DUPUIS

 
Rèire Majourau dóu Felibrige 

e Rèire Capitani de la 

Nacioun Gardiano .