Per s’esclafar
En aquesto pountanado de lagno generalisado, lis edicioun Lemouzi an agu la bono idèio de reedita « Per s’esclafar » d’Aufred Marpillat « un félibre tulliste valeureux ».
Aquesto reedicioun en reprints douno lou tèste óuriginau emé la reviraduro de l’autour, lis ilustracioun e la musico quand toumbo lou cas. Un recuei de pouësìo que lou majourau Joudoux ié dis « une œuvre saine, nationale et patriotique ». Si persounage soun acoulouri e varia e li sceno presso dins la vido vidanto.
Lou felibre Marpillat qu’èro mèstre en gai-sabé, faguè grando pèr Lemousin, sa lengo e si tradicioun, éu que vivié à Paris mounte empuravo la flamo e se capitè au debut dóu Felibrige en Lemousin.
Autambèn, presan la presentacioun que n’en fai Roubert Joudoux, biougrafìo, bibliougrafìo e countèste istouri e felibren.
P. Berengier
Un oubrage de 170 pajo que se devino lou n° 199 de la revisto « Lemouzi » (t.19 de la couleicioun Bernat de Ventadour). Costo 18 éurò.
Lemouzi 13 pl. Municipale, 19000 Tulle
.
.
Aucun commentaire:
Enregistrer un commentaire