LEOUPOLD BESSIÈIRE : « Moun enfant, à-n-un sot jamai respondes pas!»

.

Folklore Sétois : la musique des joutes

Un retour dans l'univers de l'Armanac Cetori, 1895 , seconde livraison un poème d'encouragement mais aussi une direction pour le travail à venir, une belle image pour les "manteneires" d'aujourd'hui ...

0+0+0

Dins un dialèite e em'un estile umouristica, que soul n'a lou secrèt, lou brave Leoupold Bessièira a largat una flàma pouesia qu'es couma dirièn, sensat, un encourajamen as felibres que se trigòssoun sans relàmbi à l'Armanac. Couma toujour a descroucat la timbala. Vejaici aquela pèça :

BRINDE AS OURGANISATOUS DE L'ARMANAC

Voudres ben m'escusà s'ensaje à vosta taula,
léu, pichot apendris de prendre la paraula ;
Mes, cau be que saches que, quand siéu entacon
De pas dire moun mot seinblariè pas de-bon.
Ai bèu lou pas voulé, me pode pas retène ;
Adounc cresès-lou ben, l'ai dich e lou mantène,
Saique vous peusarés qu'acô's pas trop poulit
De la part d'un aucèl tout escàs espelit ;
Mes, siéu tant satisfach de vosta couvidada,
Que me sentisse fier d'èstre a vosta taulada,
Ounte vése pas mai que d'omes de sabé,
En quau rendrai ounou, de drech e pèr devé.
E vous dirai tabé, pouètas e felibres,
Que chacun es urous de legi vostes libres,
Fasès couma avès fach ; rimas, cantàs toujour,
Qnau, rima pèr mestiè, quau, rima pèr amour.
E pioi que fèstejan aici lou felibrige,
Cau pas que d'aquel art s'en pèrde lou prestige.
Toutes rèvan quicom sus aqueste univèrs ; .
D'uns rèvoun lous plesis, d'autres rèvoun lous vèrs,
Es vrai que me dires que vosta ingrata musa
Vous dirà quauqne jour que touta corda s'usa.
Dounc, vesès qu'ai resou ; rimas quand lou poudès.
Senou quand serés vièls rimarés de travès,
Se de vostes escriclis un rougnous vous critica,
Qn'anc manjà de bren couma un ase d'Africa,
Poudès pas empachà lous ases de bramà !
Alor donne qu'à sous brams vous cau acoustumà,
E vous arrestés pas se quauca vielhia miola
Vous pot faire mesprés, es que n'a pas d'escola.
Moun paire m'a 'gut dich après noste repas :
« Moun enfant, à-n-un sot jamai respondes pas ! »
E s'enfin troubàs bon lou counsel de moun paire,
Felibres, sabès dounc ce que vous resta a faire.
Mès, couma crese pas que i'a res que de sots,
Escrives pèr lous fis e noun pèr lous bardots.
Sabèn que de rima n'es pas un badinage ;
Mes cau pas pèr acò que perdes tout courage,
Car vautres counouissès tant ben aquel mestiè,
Que crese que lous vers lous tiràs d'un paniè.
E voste gai sabé me dona l'assurensa
Qu'un jour voste traval aurà sa recoumpensa.

Quanta voste Armanac, couma premiè nascut,
Es estat dau public tout-à-fet ben-vengut.
Pèr lou de l'an que vèn, jouines e vièls ratòris,
Vous lou croumparan mai ou serièn pas Cetòris,
Ara, se m'escoutàs, pèr pas nous desglesi,
Pioi que sien ataulats tant bon à Magali,
Sans vous faire pregà, seguissès moun idèia,
Canten, brinden, buguen e faguen de bourrèia !

LEOUPOLD BESSIÈIRE.

Armanac Cetori 1895
Cetta

.