LA FÈSTO DAU PRINTÈMS
Dins l’aire blound, dins lou sourel,
— brasihos d’or — la mouissalino
masurco sa danso divino...
de chasque bourre gisclo un grel...
L’abehiè jogo à piho-piho;
l’aureto ris as barbajòus;
trepou las aigos as rajòus;
lou campèstre es tout armounìo!...
I’a pas que l’ome, orre demoun,
que fai pas fèsto...
malapèsto...
per qu’amount,
II
Dins lous calices de las flous,
dins chasco mato de frigoulo,
tout ço que viéu d’amour idoulo;
la sabo monto as pepelous.
au founs das vals, per las vigièiros;
dedins lous bàuris sauvertous,
s’ausis de miliouns de poutous
las joios soun, — e sans parièiros...
I’a pas que l’ome, lou demoun,
dins l’ahiranço...
dirs l’óutranço...
sans besoun.
III
Tout se rebiscoulo e bastis;
tout s’acoublo... e zóu! tout coungreio...
as bos ramus, as orts tout greio;...
de l’enfetun tout s’alestis.
I’a de nis dins touto ramiho,
chasco bestiolo a fa lou siéu!...
Tout es à l’eterno missiéu
dau renouvèl que s’escandiho.
I’a pas que l’ome, orre demoun,
qu’ahis sa raço,
e la matrasso
sans resoun.
IV
Lou tèms san fai boumbi lou sang
e mes as nèrs masclo jouvènço; —
lauso soun Diéu tout ce que penso,
e l’Univérs es un eissam.
Tout freirenejo, tout se dono;
tout es bèuta, tout es bounta,
e s’ ausis dins l’Inmenseta
qu’un cant suau: «La vido es bono!
I’a pas que l’ome... malastrous
qu’es dins la guerro!
Cre tounerro!...
quanto crous!
*+*+*
Aucun commentaire:
Enregistrer un commentaire