LOUIS MARGAILLAN : EI FELIBRE DE LA MAR

EI FELIBRE DE LA MAR 

Lou Capitàni de marino 

Sus un batèu bèn armeja, 

Maugrat la mar que s’enverino, 

S’arrisco au luen pèr vouiaja; 

Mai lou pescaire de sardino 

Qu’a lou siéu qu’es tout trauquiha, 

Quand la broufounié lou chagrino, 

Cerco un abri pèr si louja. 

Tau iéu, sus lei flot literàri, 

De la pòu de faire d’auvàri 

En afrountant lou toumple amar, 

Paure troubaire en qu tout manco 

M’abrìti dins vouesto calanco, 

Bràvei felibre de la Mar! 

LOUIS MARGAILLAN 

Marsiho 1879.

*+*+*+*